ამერიკის შეერთებულმა შტატებმა ივლისის შემდეგ ქაბულიდან 33 ათასი ადამიანის ევაკუაცია განახორციელეს. ამის შესახებ აშშ-ის პრეზიდენტმა ჯო ბაიდენმა განაცხადა. ინფორმაციას washingtonpost.com ავრცელებს.
მედიის ცნობით, 28 ათასი ადამიანის ევაკუაცია 15 აგვისტოს შემდეგ მოხდა, როდესაც თალიბებმა ქაბული აიღეს.
ბაიდენის თქმით, აშშ ავღანეთიდან მხოლოდ ამერიკელების ევაკუაციას არ ახორციელებს, არამედ ეს ნატოს წევრი ქვეყნების პერსონალსაც ეხება და ევაკუაცია სამხედრო-სატრანსპორტო და სამოქალაქო თვითმფრინავებით ხორციელდება.
შეერთებული შტატების პრეზიდენტმა ასევე განაცხადა, რომ ევაკუაცია, შესაძლოა, 31 აგვისტოს შემდეგაც გაგრძელდეს. „ამ საკითხს განვიხილავთ, მაგრამ იმედი მაქვს, რომ ვადების გაგრძელება საჭირო არ იქნება“ – განაცხადა პრეზიდენტმა.
ბაიდენმა კიდევ ერთხელ განაცხადა, რომ აშშ-ის და ნატოს ძალების ავღანეთიდან გაყვანა იყო სწორი გადაწყვეტილება, “რუსეთს და ჩინეთს ძალიან გაუხარდებოდა, რომ ამერიკელები ავღანეთში დარჩენილიყვნენ და კვლავ იქ არსებული პრობლემების მოგვარებით ყოფილიყვნენ დაკავებულები.” – თქვა მან.
კომენტარები