არის თუ არა გახარია ივანიშვილის პროექტი? – “სტრატეგიულად ვიაზროვნოთ…” – ირაკლი ტაბლიაშვილი

ჟურნალისტი, ირაკლი ტაბლიაშვილი:

“არ!!! არ!!! მესამედაც გავიმეორებ – არ არის ეს გახარია ივანიშვილის პროექტი… ის – გახარია, შესაძლოა, ყველაზე მეტად სწორედ ივანიშვილს ეჯავრება ახლა.

თავად გახარიას აქვს ივანიშვილთან დალაგების სურვილი… ამ წამსაც აქვს, მიუხედავად იმისა, რომ მოღალატე თუ მტერი, თუ დასახვრეტია.

“ნუ გამწირავთ ბ-ნო ბიძინა, მომისმინეთ! მათქმევინეთ და მე აგიხსნით, რატომ მინდოდა მელიას დაჭერის გადავადება, მართლა “ნაცებთან” კი არ ვიყავი შეკრული, უბრალოდ… ” ესაა გახარიას პირველი გზავნილი, ხოლო მეორე ორსიტყვიანია:

“მერე გამოგადგებით”.

მაგრამ, ივანიშვილი გახარიას არ შეურიგდება… ყოველ შემთხვევაში, ამ ეტაპზე. პირიქით – დაანგრევს და მოანგრევს და მიანგრევს და ეცდება, მას ააღებინოს პირობითად 3 % და არა უმეტეს, ხოლო “ოცნებამ” მიიღოს 43 % და მეტი…

მაგრამ, ვაიდა…

აი, ვაიდას შემდეგაა საინტერესო და, როცა ვაიდას არ ურთავს მსჯელობას მიმომხილველთა დიდი ნაწილი, ამიტომ ვიჭედებით.

ვაიდას შემდეგ არის ეს:

თუ ოცნება ვერ მიიღებს 43 % – ს, რიგგარეშე არჩევნები მართლაც დაინიშნება.

რიგგარეშე არჩევნებში “ოცნება” კვლავ ვერ მიიღებს იმჯერზე 51 % – ს.

და მას დასჭირდება კოალიცია…

ჰო! ჰო! კოალიცია!

და ვაიდას თანახმად, ის კოალიციურ მთავრობას ვერ გააკეთებს ნაც.მოძრაობასთან, ლელოსთან, ზ.ჯაფარიძის გირჩთან… აღმაშენებელთან და ევ.საქთან…. და არ გააკეთებს ვასაძის პარტიასთან (ასე ღიად არ გაყიდის საკუთარ თავს)… ვინ რჩება?.. ვინ და მოღალატე გახარია… რომელიც მყის გარდაიქმნება კოალიციური! მთავრობის სუბიექტად!

რა ვუყოთ ვაიდას?

ოპოზიციამ უნდა ურტყას გახარიას

გახარიამ უნდა მიიღოს 1-2 და არა უმეტეს პროცენტი.

ოცნებამ უნდა მიიღოს 43%-ზე ნაკლები.

ოპოზიციამ უნდა მიიღოს 55 + პროცენტი.

რიგგარეშე საპარლამენტო არჩევნებში, ახალი რეალობიდან გამომდინარე, ოპოზიციამ უნდა მიიღოს 51 % გახარიას ხმების გარეშე.

როგორ?

არ ვიცი! დღეს რომ არჩევნები ტარდებოდეს, გიბოდიშებთ და, 30-35… ჰა, ჰა, 40 % – იც სანატრელი ექნებოდა ოპოზიციას.

ახლა გავიმეოროთ კითხვა – არის კი გახარია ივანიშვილის პროექტი?

არ არის?

არის!..

სტრატეგიულად უნდა ვიაზროვნოთ.”