“რა უბედურებაა, ქვის ხანაში ვართ?” – მარიამ კუბლაშვილი

ადვოკატი, მარიამ კუბლაშვილი, სოციალურ ქსელში, წერს:

“საქართველოს მთავრობა ახმეტის მუნიციპალიტეტის მერია ქ. ახმეტის უმეტესი უბნები უწყლობით იხრჩობა! მთელი ცხოვრება მთავარი კითხვა იყო: წყალი როდის მოვა? და დღემდე ასეა! რა უბედურებაა, ქვის ხანაში ვართ?

გასაგებია კეთდება რაღაცეები, მაგრამ სიტყვა პრიორიტეტის მნიშვნელობა ხომ ყველას გვესმის? არაფერს ფასი არ აქვს უწყლოდ.

ისიც გასაგებია არ არის საკმარისი რესურსი, მაგრამ უნდა გამოინახოს როგორმე, ერთობლივი ძალებით, ერთობლივი მუშაობით! როგორღაც არსებითი და მთავარი პრობლემა უნდა გადაიჭრას, ხალხს უნდა კომუნიკაცია და ახსნა რა იქნება ხვალ და თუ ვერ კეთდება რატომ ვერ კეთდება?

ვერანაირი მეურნეობა და მებაღეობა ვერ განვითარდება ამ პირობებში, დაიწყება გვალვები და ყველაფერს რომ თავი დავანებოთ, სახელმწიფო პროექტებში ჩართულობა უხარისხო და არანაყოფიერი იქნება. დღეს პრიორიტეტი ხომ ქართული წარმოებაა? და უწყლოდ რა წარმოებაზე და განვითარებაზეა საუბარი? გთხოვთ, როგორმე ამ საკითხის გადაჭრას! დავიღალეთ!”