“ქართული ოცნების” ყოფილმა წევრმა, საქართველოს მკლავჭიდის ფედერაციის პრეზიდენტმა სოსო ჯაჭვლიანმა, 2022 წლის 8 თებერვალს, ტელეკომპანია “პირველის” გადაცემაში “რეაქცია” განაცხადა, რომ 2015 წელს, მისი დეპუტატობის პერიოდში, ქუთაისში მდებარე, მის ნაქირავებ საცხოვრებელ ბინაში, ორი სათვალთვალო კამერა იყო დამონტაჟებული.
როგორც ჯაჭვლიანმა აღნიშნა, ფარული კამერები “ქართული ოცნების” ყოფილმა დეპუტატმა, ლუკა კურტანიძემ აღმოაჩინა.
„ეხლა ლუკა კურტანიძე მაგარი გაკვირვებული დარჩება, მაგრამ… ჩემო ლუკა, უნდა მოვყვე… ლუკა, დაიფიცე ხატზე, ასე თუ არ იყო…
2015 წელს ლუკა კურტანიძე შემოვიდა პარლამენტში, ლუკას ვუთხარი, წამოდი ჩემთან სახლში, მაშინ ქუთაისში ვცხოვრობდით, ორი საძინებელი მაქვს, სამოთახიანი ბინა, რატომ დაიქირავო და წამოდი ჩემთან იყავი, როცა გინდა-თქო. დილას ლუკა მეძახის და მაჩვენებს ვიდეოკამერას, რომელიც დამონტაჟებულია, მეორე საძინებელშიც იყო ვიდეოკამერა. ორი წელი თურმე იღებდნენ, სოსო ჯაჭვლიანი რას საქმიანობს სახლში”, – განაცხადა სოსო ჯაჭვლიანმა “tv პირველის” ეთერში.
მაშინ სოსო ჯაჭვლიანი დარწმუნებული იყო, რომ თანამებრძოლი, ლუკა კურტანიძე, ნათქვამს დაუდასტურებდა, თუმცა აღნიშნულ საკითხთან დაკავშირებით, ლუკა კურტანიძემ თქვა, “არც დავუშვებ, რომ ეს ქართული ოცნების გაკეთებული, რადგან აიტის სპეციალისტმა თქვა, რომ ჩაჭრილია და რა არის მოქმედი. ბატონმა სოსომ ეს იცოდა, მაგრამ შეიძლება ადამიანმა კრიტიკულად შეხედოს.”
კურტანიძის მტკიცებით, მან თავის დროზე ადგილზე არ გამოიძახა საგამოძიებო უწყებები “ჩავიყვანეთ აიტი სპეციალისტი და მან აღმოაჩინა, რომ ეს სათვალთვალო კამერები იყო ჩახსნილი, არ იყო მოქმედი, არ იწერდა. როდესაც მე პარლამენტში შევედი, რამოდენიმე ხნით სოსოსთან გადავედი საცხოვრებლად და ამ საცხოვრებელში აღმოვაჩინეთ სათვალთვალო კამერა, რომელიც იყო საძინებლებში, და არა მაგალითად შემოსასვლელსა და გასასვლელში, დაფიქსირებული რომ ყოფილიყო ვინ შევა და გავა.”
სოსო ჯაჭვლიანი 2024 წლის თებერვალში გარდაიცვალა.
დღეს, ლუკა კურტანიძის ყოფილმა მეუღლემ თქვა, რომ პოლიციას არ სურდა კურტანიძის დაკავება და თავად კი, მუდამ ემუქრებოდა, რომ “ისაა მთავრობა”.
ეს არ არის არც მეორე, არც მესამე, არც მეოთხე და მეხუთა შემთხვევა. ყველა ჯერზე, როდესაც მივმართე პოლიციას, მეუბნებოდნენ, რომ იმიტომ, რომ ელდარ კურტანიძეა, მოდი, ნუ გავწირავთ და მოდი, შემოვიფარგლოთ ფსიქოლოგიური ძალადობით. იმედს ვიტოვებ, რომ ახლა, ამ პროცესში, როცა პოლიციის თანამშრომლები დაესწრნენ ამ ფიზიკურ ძალადობას, ფსიქოლოგიურ ძალადობას ვეღარ იტყვიან.
ელდარ კურტანიძეს მოახლოება აქვს სასამართლო გადაწყვეტილებით აკრძალული, შემაკავებელი ორდერია 9 თვიანი მის მიმათ გამოცემული, მოხლოება აქვს აკრძალული. მისამართი ვუთხარი საპატრულო ეკიპაჟს, სად იდგა ელდარ კურტანიძის მანქანა და ნაცვლად იმისა, რომ იქ მისულიყო, მოვიდნენ და “წამობრძანდით, უნდა გამოგკითხოთო”. ეს ადამიანი იმუქრება, რომ “მე ვარ მთავრობა, მე ვარ სახელმწიფო და შენ სახელმწიფოს უპირისპირდებიო”, – ამბობს ხათუნა მიქაცაძე.
კომენტარები