ჰკითხე ექსპერტს – ექსპრეს ლომბარდმა კამპანია დაიწყო

ძვირფას ნივთებთან დაკავშირებული მომსახურების მიღება, ისტორიულად, როგორც წესი, გაურკვევლობასთან და უხერხულობასთან ასოცირდება, რადგან მომხმარებელმა ზუსტად არ იცის, როგორც ფასდება მისი ნივთი, რას ეყრდნობა შემფასებელი და რამდენად სამართლიანია ის თანხა, რომელსაც ლომბარდი მომხმარებელს სთავაზობს. ამასთან, ხშირად გაუგებარია, რა ტიპის ფარული გადასახადები არსებობს და როგორ პირობებზე უწევს მომხმარებელს დათანხმება.

ექსპრეს ლომბარდი ამ პრობლემებს მარტივად აგვარებს, რადგან ის მომხმარებელს სწრაფ, ობიექტურ და გამჭვირვალე შეფასების პროცესს სთავაზობს, რომელიც ეფუძნება როგორც საბაზრო მონაცემებს, ასევე ნივთის რეალურ მდგომარეობას და მაქსიმალურად სამართლიან შეფასებას. რაც მთავარია, ექსპრეს ლომბარდის მაღალკვალიფიციური ექსპერტ-შემფასებლები ამომწურავად პასუხობენ მომხმარებლების შეკითხვებს და ნებისმიერ დროს უმაღლესი სტანდარტის მომსახურების გაწევას უზრუნველყოფენ.

მიუხედავად იმისა, რომ ექსპრეს ლომბარდში ყველა პირობა მკაფიოდაა გაწერილი და ყველა საჭირო ინფორმაცია საჯაროდაა ხელმისაწვდომი, კომპანიამ ახალი კამპანიის დაწყება გადაწყვიტა, რომელიც მომხმარებლების მიერ ხშირად დასმულ შეკითხვებს გასცემს პასუხებს.

„ჰკითხე ექსპერტს“ – სწორედ ასე ეწოდება კამპანიას, რომელიც სალომბარდე მომსახურებასთან დაკავშირებული სტერეოტიპების დამსხვრევას და საზოგადოების ცნობიერების ამაღლებას ემსახურება მიზნად.

აღნიშნული კამპანიის ფარგლებში, პირველი ვიდეორგოლი ერთ-ერთ ყველაზე ხშირად დასმულ შეკითხვას მიეძღვნა, თუ როგორ აფასებს ლომბარდი ნივთს? – ამ შეკითხვას ექსპერტშემფასებელი მაკა გასიშვილი ამომწურავად პასუხობს.

ზოგადად, ექსპრეს ლომბარდში მომხმარებელი იღებს ზუსტად იმ თანხას, რასაც მისი ნივთი რეალურად იმსახურებს და რაც მთავარია, ღირებულების დადგენის პროცესში სერტიფიცირებული ექსპრეს-შემფასებლები თანამედროვე ტექნოლოგიებს იყენებენ, რაც ნივთის შეფასების საშუალებას გაქლიბვისა და დაზიანების გარეშე იძლევა.

უშუალოდ ნივთის შეფასების პროცესს რაც შეეხება, ექსპერტ-შემფასებლები დეტალური შესწავლის საფუძველზე ზუსტად ადგენენ წარმოდგენილი ნივთის სინჯს, ნაკეთობის ხარისხს და ავთენტურობას, რის შემდეგაც განისაზღვრება ღირებულება, რომელიც სრულ შესაბამისობაშია მიმდინარე საბაზრო დინამიკასთან.

თუკი ლომბარდთან, მის საქმიანობასთან, პირობებთან ან ფულად გზავნილებთან დაკავშირებით შეკითხვები გაქვს, შეგიძლია დაუკავშირდე ექსპრეს ლომბარდის სოციალურ ქსელებს, ცხელ ხაზს (032 2 39 39 39 | *39 39) ან 24/7-ზე ხელმისაწვდომ ფილიალებში მიხვიდე და პირდაპირ ექსპერტს ჰკითხო.

(R)