“ნანგრევებში ჩარჩენილი ხალხი, ბავშვებთან ერთად, მოსახლეობამ გადაარჩინა, ტექნიკა არ გვყავს და ვერ მოვდივართო, ეგ იყო თქვენი პასუხი”; “ეგ თოვლი დაგასრულებთ თქვენ” – ხალხი ლანჩხუთის მერიას

დღეს, ე.წ. საკოორდინაციო შტაბის განცხადება, სადაც ეწერა, რომ ყველაფერს აკეთებს ხელისუფლება, რომ არასწორი ინფორმაციები ვრცელდება, რაც პანიკას იწვევს და რომ მოხალისეების ჩასვლა არაპროდუქტიულია, რადგან, თურმე, იქეთ გაუხდათ მოხალისეები დასახმარებელი, გაავრცელა გურიის სამივე მუნიციპალიტეტმა, ოზურგეთმა, ჩოხატაურმა, ლანჩხუთმა.

განცხადებას, სამივე მუნიციპალიტეტის გვერდზე უპასუხეს მოქალაქეებმა.

ლანჩხუთის მუნიპალიტეტს და ლანჩხუთის მერს, ალექსანდრე სარიშვილს, ხალხი, კომენტარებში, ასე პასუხობს:

ადგილზე მობრძანდით და ნახეთ არასწორია თუ სწორი ინფორმაცია. ახლა მატყუარებიც გამოგვიყვანეთ თოვლში ჩარჩენილი ხალხი. ელექტროენერგია, წყალი და ელენტარული პირველადი დახმარების ნივთები არგვაქვს. სახლები თავზე გვენგრევა და თქვენ აქ პოსტებს წერთ ტყუილი ინფორმაცია ვრცელდებაო. შემოდგომას დამეწყრილი კლდე თავზე მადგას და მაგის ყურებაც თქვენი უნითაობის გამო მიწევს გადასახლებაში რო არ მომაყოლეთ და ჩამტოვეთ ამ მეწყერსაშიშ ზონაში.

არაფრის მაქნისები თქვენ არ ხართ. ამობრძანდით მამათში და ნახავთ ყველაფერს. მაგრამ ვერც ამოხვალთ 2 მეტრზე დიდი თოვლი და გაუწმენდავი გზაა თქვენი დამსახურებით

სირცხვილია ასეთ ტყუილებს წერთ, სად იწმინდება გზები, რატომ არ ეხმარებით ხალხს სახლების დათოვლაში. სოფ.ღრმაღელის გამგებელმა ტელეფონიც კი გათიშა, ვის მივმართო დასახმარებლად, მოხუცი დედა არის ჩაკეტილი სახლში.