ბოტანიკური ბაღის საზოგადოებასთან ურთიერთობის სამსახურის უფროსი, ჟურნალისტი გია გაბრიჭიძე:
“- Я тебе один умный вещ скажу, только ты не обижайся.
დღეს ბუბა კიკაბიძე დაკრძალეს.
ჩემი ბავშვობის და ახალგაზრდობის ყველაზე საყვარელი მსახიობი და მომღერალი.
მისი ხელოვნება იყო არსებული სტანდარტებისგან განსხვავებული. “სხვანაირი” ხმა. ღია, ნათელი სიცილი და როლები, სადაც ნათქვამ ფრაზებს დღესაც ვიმეორებთ.
– Ларису Ивановну хочу.
– გამარჯობა არ იცი ბიჭო!
– კალათაში რადა-რაია? ყველი, პური, ხაჭაპური, წიწილა!
და უამრავი სხვა, რომლებიც სხვებმა დაწერეს, მაგრამ მან ისე თქვა, რომ გულში მაქვს და სანამ ცოცხალი ვარ მექნება.
ბუბა სხვა განზომილება იყო და ბედნიერი ვარ, რომ ეს განზომილება ბავშვობიდან ბავშვობიდან მაქვს.
კეპკა “აეროდრომი” მაჩუქა ძმაკაცმა. სულ მეხურა.
80-იანებია. მოსკოვის მეტროში ვდგავარ. ჩემს წინ დედა და ბავშვი დასხდნენ. ბავშვმა ამომხედა და დედამისს ეუბნება – Мам, смотри Мимино.
იმ წამს ბედნიერი ვიყავი.
არაფერს ვამბობ პოლიტიკაზე.
აბა რა უნდა ვთქვა თუნდაც მთელს ნაც-პარტიაზე, რომლებთაც ჯონ გლები (“ტასი უფლებამოსილია განაცხადოს”) რომელიღაც ამერიკელი კონგრესმენი ჰგონიათ.
ბუბა კიკაბიძე ჩემთვის მედროგე პავლეა, მედუდუკე შიოა, გივი ივანიჩის “პრავით” მოსიარულე ვალიკოა, ჯონ გლებია (რომელსაც რატომღაც არ იხსენებენ), “Мои года, моё богатство” და თოვლში აკვნით წამოსული ის ბენჯამენ ღლონტია, რომლის ყველაზე დიდი საგანძური ქარვის “პროპოშნიკია”.
დღეს ბუბა კიკაბიძე დაკრძალეს.”
კომენტარები