“ჩემი შვილის მოკვლა უნდათ, მისთვის საქართველოში ყოფნა სახიფათოა, დააბრუნეთ უკრაინაში” – გიული ალასანია

მესამე პრეზიდენტის, მიხეილ სააკაშვილის დედა გიული ალასანია, უკრაინულ მედიასთან პირდაპირ ჩართვაში ამბობს:

„არ გამოიყურებოდა კარგად, არც ისე კარგ მდგომარეობაშია. მას ორი სასამართლო პროცესი ჰქონდა და სხვათა შორის, ბევრი რამ, სწორედ ამ სასამართლო პროცესზე გავიგე მისივე გამოსვლებიდან. გამოიყურება ცუდად – როგორც იცით, ის შიმშილობდა 50 დღე, რომლის შემდეგაც, ის უეცრად, მოიპარეს რუსთავის ციხიდან და მოტყუებით გადაიყვანეს სხვა ციხეში, რომელიც აღმოჩნდა ნამდვილი საკონცენტრაციო ბანაკი. მას არ უნდოდა ამ ციხესთან მანქანიდან გადმოსვლა, რადგან არ ჰქონდათ მისი ნებართვის გარეშე გადაყვანის უფლება. მათ ის გადმოათრიეს მანქანიდან, სცემეს, ადამიანმა გაიარა წამება. არ ვიცი რატომ, მაგრამ, მათ ეს ყველაფერი გადაიღეს, თუმცა, ყველაზე ცუდი კადრები არ არის გადაღებული. შემდეგ მათ ეს კადრები გაავრცელეს და ყველას ჰქონდა შესაძლებლობა ენახა, მას როგორ აწამებდნენ. მან 9-10 დღე გაატარა ამ საკონცენტრაციო ბანაკში, რომელიც რატომღაც საავადმყოფოდ იწოდება, თუმცა, არანაირი საავადმყოფო იქ არ იყო.

საერთაშორისო ძალების და მათ შორის, უკრაინის აქტიური ჩართულობის შემდეგ, როგორც იქნა ის გადაიყვანეს გორის სამხედრო ჰოსპიტრალში, რომელიც ჩემმა შვილმა ააგო თავის დროზე. ის ახლა იქ იმყოფება, მაგრამ მე ძალიან მეშინია მის გამო, ვთვლი, რომ ჩემი შვილისთვის საქართველოში ყოფნა ძალიან სახიფათოა. ძალიან მინდა, რომ ის არ იყოს საქართველოში, მოგმართავთ ყველას თხოვნით, რომ როგორმე დააბრუნოთ უკან, უკრაინაში, ის უკრაინის მოქალაქეა. ჩემი შვილი აწამეს, ის ძლიერად სცემეს. ვერ წარმოიდგენთ, რა ხდება ახლა ჩვენ ქვეყანაში, უკრაინაში მაცხოვრებელმა რთულია წარმოიდგინოს, რომ ასეთი რამ საერთოდ შესაძლებველია, ჩვენთან პრაქტიკულად არ გვაქვს არანაირი სასამართლო, არანაირი სახელმწიფო ინსტიტუტები, ყველაფერი ჩამოინგრა ბოლომდე, ყველაფერი, რაც გაკეთდა ჩემი შვილის მმართველობის დროს გაქრა, დაინგრა ბოლომდე. ეს პროცესი გრძელდება სამწუხაროდ. ქვეყანა ჩაფლული კორუფციაში. ჩემი შვილი ისჯება იმის გამო, რომ 2008 წელს, რუსეთ-საქართველოს ომის დროს, მან არ ჩააბარა ქვეყანა, აი, ამის გამო სჯიან. ეს ე.წ. სასამართლოები გრძელდება. ძალიან გხოვთ, ჩამობრძანდით და დაესწარით მომავალ სასამართლო პროცესებს. ჩამობრძანდით, გთხოვთ და თავად დაინახავთ, რა ხდება სინამდვილეში. მისი მოკვლა უნდათ. მე თქვენ გთხოვთ, როგორმე გადაარჩინეთ ჩემი შვილი.”

უკრაინელმა ჟურნალისტმა, გიული ალასანიას თხოვნას, ჩამოსვლასთან დაკავშირებით ასე უპასუხა: „თუ ჩამოგვიშვებენ…“

უკრაინულმა მედიამ, გაავრცელა ასევე კადრები სააკაშვილის გამოსვლიდან სასამართლო პროცესზე, კონკრეტულად ის ნაწილი, რა დროსაც სააკაშვილმა უკრაინულ ენაზე მიმართა უკრაინელ ხალხს. გადაცემაში მონაწილეობდნენ პოლიტიკოსები, ექსპერტები, ჟურნალისტები. წამყვანმა და სტუმრებმა გააკრიტიკეს უკრაინის პრემიერ-მინისტრი და აღნიშნეს, რომ მან საქართველოს პრემიერ-მინისტრთან, ირაკლი ღარიბაშვილთან შეხვედრისას, არც კი ისაუბრა სააკაშვილზე.  

ექსპერტი ანდრეი ილაირონოვი:

„კრემლის უფროსი უდიდეს სიამოვნებას იღებს, იმით, რაც ახლა საქართველოში ხდება, სიამოვნებას იღებს იმით, რასაც უკეთებენ მის მოწინააღმდეგეს, რომელმაც ის დაამარცხა  ჭკუით, ენერგიით, პოლიტიკური რეფორმებით, ეკონომიკური რეფორმებით და ბრძოლის ველზეც კი. პუტინმა ვერ მოახერხა იმის გაკეთება, რასაც აპირებდა. აპირებდა მთელი ქვეყნის დაპყრობას. პუტინს იმედი ჰქოინდა, რომ მოახერხებდა სააკაშვილის დაშინებას. გაგზავნილი იყო ხალხი, რათა დაეთანხმებინათ სააკაშვილი დაეტოვებია ქვეყანა რუსეთ-საქართველოს კონფლიქტის  დროს. სააკაშვილმა უარი თქვა და დარჩა ქვეყანაში და სწორედ მისმა ქმედებებმა განაპირობა ის, რომ პუტინმა ვერ მოახერხა მთელი ქვეყნის დამყრობა. პუტინს მისთვის ამის პატიება არ შეუძლია.“