მარნეულის სოფელ თაზაქენში ავტოსაგზაო შემთხვევა მოხდა. როგორც დაზარალებულები ყვებიან, ავარიის მიზეზი პოლიციის დაუდევრობაა.
ამბობენ, რომ პატრულის ეკიპაჟმა ავტომობილს გზა გადაუჭრა, მძღოლმა კი ამის გამო საჭე ვერ დაიმორჩილა და ღობეს შეეჯახა.
დაზარალებული მძღოლი, ელშან ალიევი:
“ეს არის განუკითხაობა. ყოველთვის პოლიციის მიზეზით ხდება მსგავსი შემთხვევები. გვისაფრდებიან ყველგან. მანქანაში ჩემი და და 5 თვის ბავშვი მეჯდა, რომლებიც საავადმყოფოდან სახლში მომყავდა, ამათ კი გზა გადამიჭრეს, რის გამოც საჭე ვერ დავიმორჩილე და ავარიაში მოვყევით. შემდეგ ეს პოლიციელები ადგილიდან ისე გაიქცნენ რომ არც კი უკითხავთ, გადარჩა თუ არა ვინმე”
ალიევი იმ პოლიციელების იდენტიფიცირებასა და დასჯას ითხოვს, ვის გამოც მისი თქმით, ავტოსაგზაო შემთხვევა მოხდა.
წყარო – მთავარი
კომენტარები