დედა, რომლის სახლიდან 7 შვილი წაიყვანა სოციალურმა სამსახურმა, დედა, რომელსაც ერთი შვილი, გარდაეცვალა, თავი მოიკლა, “ნანუკას შოუში” საუბრობს:
“2 თვის გამოყვანილი მყავდა საავადმყოფოდან, უნდა ყოფილიყო წონაში მომატებული… გულზე ჰქონდა ოპერაცია გაკეთებული… ვერ მოვუარე… ამ პირობებში ვერ ვაცხოვრებთ ამ ბავშვებსო, თქვეს… ისეთი შესაძლებლობა არ მქონდა, რომ ისეთი პირობები მიმეცა, მაგრამ რაც საშუალება მქონდა, ყველაფერს ვაკეთებდი. ამბობენ, რომ საჭმელს ვერ ვაჭმევდი ბავშვებს, ხორცი იყო, თუ რაც საჭირო იყო… ლანჩხუთში ვცხოვრობდი ამ დროს უკვე…
უკიდურეს მდგომარეობაში ვცხოვრობდით თბილისში და იქ არ გაუყვანიათ ბავშვები. გვქონდა დავა, არ მინდოდა ბავშვების დაცილება, სხვადასხვა ოჯახებში ცხოვრობენ. ჩემი მეუღლე წერდა განცხადებებს, მე ჩამომართვეს ბავშვების წამოყვანის უფლება. მომაწერინეს ხელი, რომ 18 წლამდე ბავშვებს ვერ გაიყვანთ… რომ მივდივარ განცხადების დასაწერად, მეუბნებიან, რომ არ მაქვს განცხადების დაწერის უფლებაც მშობელ დედას. 5 იყო ერთ ოჯახში და ორი მეორე ოჯახში. ჩავდიოდი ხშირად და მთხოვეს, პატარები არიან ბავშვები და ნუ ჩამოხვალ ხშირად, ტირიანო… ჩვენ რომ დაგვხმარებოდნენ, ანრი არ დამეღუპებოდა… წუხდა, ძალიან უნდოდა სახლში დაბრუნება.
რამდენჯერაც ჩავიდოდი, ბავშვები სულ მეკითხებოდნენ, დედა, რა ქენი, მოაგვარე სოციალურში საქმე? ჯერ მითხრეს, სახლი უნდა მოაწყო, თუ გინდა შვილები წაიყვანოო, მერე გვითხრეს, მეუღლემ სამსახური დაიწყოს და მერე გამოგატანთ შვილებსო… ანრი ახლოს ცხოვრობდა, ხშირად უშვებდა ჩვენთან მიმნდობი ოჯახი, მეუბნებოდა, რომ ვხედავდი, მოიწყენდა, ვხვდებოდი, რომ თქვენთან უნდოდაო, ანრი ხშირად მოდიოდა, რის გამოც, მიმნდობ ოჯახს ხშირად უწევდა კამათი სოციალურ სამსახურთან. ერთხელ მოვიდა და მითხრა, წავალ სამხედროში, დავბრუნდები და ოჯახს გავაერთიანებ, 19 წლის ასაკში კი დავქორწინდებიო, არ ვიცი, ერთ დღეში რა მოხდა… თავი გაწირა, ფიქრობდა, რომ ამით დაიბრუნებდა დედმამიშვილებს სახლში.
ჩემი უმცროსი შვილიც ხატავს, დახატა გალია, საიდანაც ჩიტები თავისუფლად გამოდიან… ანრიც დახატა ანგელოზის სახით.
ახლა ამ ტრაგედიის შემდეგ, 20 დღით მოიყვანეს ბავშვები და დღეს გავიდა ოცი დღე და მოსულა სოციალური სამსახური წასაყვანად.”
ნანუკას თქმით, თითო ბავშვის აღსაზრდელად მიმნდომ ოჯახს სახელმწიფო თვეში 500 ლარს უხდის, მაგალითად, ოჯახს, რომელთანაც ქალბატონის 5 შვილი იზრდება, სახელმწიფო 2500 ლარს უხდის.
კომენტარები