არჩევნების დღის დასრულებამდე დაახლოებით 2 საათი არის დარჩენილი, ჩვენს ხელთ არსებული ინფორმაციით „ქართული ოცნება“ დამაჯერებლად იმარჯვებს – ამის შესახებ მმართველი გუნდის წარმომადგენელმა, კახა კუჭავამ განაცხადა.
„ჩვენი შტაბებიდან მიღებული ინფორმაციით დაახლოებით 900 000 ხმაზე მეტია უკვე დაფიქსირებული ჩვენს სასარგებლოდ, რაც პირველ რიგში ხაზს უსვამს თუ რამდენად დამაჯერებელია ის გამარჯვება, რომელსაც ჩვენ ძალიან მალე უკვე 2 საათში გავაფორმებთ.
ახლა ერთ-ერთი ყველაზე მნიშვნელოვანი რაც არის, ამ ორი საათის განმავლობაში მოვახდინოთ კიდე უფრო მობილიზება ყველა ჩვენი მხარდამჭერი ნებისმიერი ადამიანის, ვისაც სურვილი აქვს და დარჩა კიდევ დრო მივიდეს და თავისი არჩევანი ბოლომდე დააფიქსიროს.
რაც ყველაზე მნიშვნელოვანი არის ეს უნდა მოხდეს მშვიდობიან გარემოში და მე მოვუწოდებ ყველას შეეშვან პროვოკაციებს. მათ იციან, რომ აგებენ არჩევნებს, მაგრამ არ არის აუცილებელ ძალადობაში გადაიზარდოს ესა თუ ის მათი ქმედება. ყველაფერ ამას აკვირდებიან და ყველაფერ ამას ექნება შესაბამისი შეფასება. ამიტომ კიდევ ერთხელ შეეგუოს ჩვენი ოპონენტი იმ ფაქტს, რომ „ქართული ოცნება“ იმარჯვებს დამაჯერებლად.
ქართული ოცნება იმარჯვებს დამაჯერებლად და მათ მოუწევთ ამ რეალობასთან შეგუება, განსაკუთრებით მაშინ როდესაც ჩვენ მოვისმენთ იმ დამკვირვებლების აზრს და შეფასებებს, რომელიც მთელი დღის განმავლობაში მთელი რეგიონის, საქართველოს მასშტაბით არიან გაფანტულები.
აქვე დავამატებდი კიდევ ერთ ფაქტს, დილიდან მოვისმინეთ ჩვენ რამდენიმე იმ ორგანიზაციის წარმომადგენლის განცხადებები ამა თუ იმ დარღვევებთან დაკავშირებით, რომელზეც ჩვენ წინასწარ ვსაუბრობდით. ორგანიზაციები ვითომ ნეიტრალური ადგილობრივი დამკვირვებლები, რომლებიც ვიცოდით რომ შეეცდებოდნენ ამა თუ იმ ფაქტის დამახინჯებას, დამახინჯებით ამ ინფორმაციის მიწოდებას და ამით სურთ ჩრდილი მიაყენონ დემოკრატიულად ჩატარებულ არჩევნებს“, – ამბობს კახა კუჭავა.
კომენტარები