მესტიისა და ლენჯერის გარდა, ზემო სვანეთში ყველა ადმინისტრაციული ერთეული შესაძლოა, 21 აგვისტოდან გაიხსნას. ამის შესახებ მესტიის მუნიციპალიტეტის მერიის განცხადებაშია ნათქვამი, რომელიც „ფეისბუქის“ ოფიციალურ გვერდზე გამოქვეყნდა.
განცხადების თანახმად, მუნიციპალიტეტში სულ 3 509 „პისიარ“ ტესტი გაკეთდა და კორონავირუსი 33 შემთხვევაში დადასტურდა.
„მოგახსენებთ, რომ მესტიის მუნიციპალიტეტში გაკეთებული 3 509 „პისიარ“ ტესტის საფუძველზე, გვაქვს 33 დადასტურებული შემთხვევა.
მნიშვნელოვანია, რომ ახალი კორონავირუსის ყველა დადასტურებული შემთხვევა გამოვლინდა მხოლოდ ლენჯერის და მესტიის თემებში. გამომდინარე იქიდან, რომ საკარანტინე ვადის პირველი 12 დღე გადის 21 აგვისტოს. აღნიშნული შედეგები აჩენს შესაძლებლობას, რომ 21 აგვისტოდან გაიხსნას ყველა ადმინისტრაციულ ერთეული, მესტიის და ლენჯერის გარდა.
მესტიასა და ლენჯერს შორის არსებული შეზღუდვები მოიხსნება და ფორმირდება, როგორც ერთიანი ჩაკეტილი სივრცე, რომლის შიგნითაც გადაადგილება არ იქნება შეზღუდული.“
კომენტარები