“2019 წელს, ევროკავშირის ქვეყნებიდან ჯამში ამოღებული იქნა 213 ტონა (!) კოკაინი და 7,9 ტონა ჰეროინი, სულ მცირე ათი იმდენი წყნარად იყიდება შავ ბაზარზე” – კალატოზიშვილი

პიარტექნოლოგი, გიორგი კალატოზიშვილი:

“2019 წელს, ევროკავშირის ქვეყნებიდან ჯამში ამოღებული იქნა 213 ტონა (!) კოკაინი. ამავე წელს ამოიღეს 7,9 ტონა ჰეროინი. 2019 წელს მარტო თურქეთმა ამოიღო შავი ბაზრიდან მოსახმარებლად გამზადებული 20 ტონა (!) ჰეროინი. 2015 წლიდან ევროპაში ყოველწლიურად ვრცელდება ცნობა დაახლოებით 400-მდე ახალი ფსიქოაქტიური ნივთიერების გამოჩენის შესახებ… ხვდებით მასშტაბს, ხო?

როცა ამდენი ნარკოტიკის კონფისკაცია ხდება, სულ მცირე ათი იმდენი წყნარად და მშვიდად იყიდება უკონტროლო შავ ბაზარზე, რომელზეც ესა თუ ის ნარკოტიკი სხვადასხვა მინარევებით იყიდება. ერთ-ერთი ასეთი ნივთიერება, რომლითაც “აბინძურებენ” ნარკოტიკს არის ფენტანილი – ჰეროინზე თითქმის ასჯერ ძლიერი ნარკოტიკი. მოკლედ, ამ სტატისტიკას რომ ვუყურებ ვრწმუნდები იმაში, რომ ერთადერთი გზა, რომლითაც შემიძლია დავიცვა ჩემი შვილები არის მათი ცნობიერების და ინფორმირებულობის დონის ამაღლება. ტაბუ და აკრძალვა მხოლოდ უფრო მეტ ინტრიგას შესძენს ყველაფერს, აკრძალული ხილი ხომ ყოველთვის უფრო სასურველია. თქვენ რას ფიქრობთ?”