დღეს, 22 თებერვლას უწყებათაშორისმა საკოორდინაციო საბჭომ შემდეგი გადაწყვეტილებები მიიღო:
1. 1-ლი მარტიდან, საჰაერო, სახმელეთო და საზღვაო საზღვრით შემოდის უცხო ქვეყნის ყველა მოქალაქე/რეზიდენტი, რომელიც არის სრულად ვაქცინირებული; ხოლო ვაქცინაციის არქონის შემთხვევაში, წარადგენს 72-საათიანი ვალიდურობის მქონე PCR-ტესტს (მესამე დღეს PCR ტესტირების ვალდებულების გარეშე);
2. ქვეყანაში საქართველოს მოქალაქეების PCR-ტესტით შემოსვლის შემთხვევაში, იხსნება მესამე დღეს PCR-ტესტირების ვალდებულება, ხოლო PCR-ტესტის არქონის შემთხვევაში, არსებული 8-დღიანი თვითიზოლაცია შემცირდება 5 დღემდე;
3. უქმდება ბიზნესვიზიტორების, „იმუშავე საქართველოდან“ და სტუდენტური აპლიკაციები;
4. უქმდება სტუმართა მაქსიმალური რაოდენობის შეზღუდვა;
5. კვების ობიექტებში ღია სივრცეში ერთ მაგიდასთან დაიშვება 15 ადამიანი;
6. დახურულ სივრცეში ერთ მაგიდასთან დაიშვება 10 ადამიანი;
7. სოციალური ღონისძიებების (წვეულება, დაბადების დღე, ქორწილი, ქელეხი) გამართვა დასაშვები ზემოთ აღნიშნული პირობით;
8. 1-ლი მარტიდან უქმდება საკარანტინე სივრცეები, ე.წ კოვიდ-სასტუმროები; დღეიდან აღნიშნულ სივრცეებში ინფიცირებულთა შეყვანა შეჩერდება;
9. უქმდება თერმოსკრინინგისა და ჟურნალის წარმოების ვალდებულება;
10. უქმდება დეზობარიერის ქონის ვალდებულება;
11. უქმდება ბუფეტის მომსახურებაზე შეზღუდვა;
12. 4 მარტიდან დასაშვებია კლუბების ფუნქციონირება ღონისძიების საერთო ფართის 60%-იანი დატვირთვით;
13. 15 მარტიდან დასაშვებია კონფერენციების, სემინარების და ტრენინგების ჩატარება შეზღუდვების გარეშე;
14. საკოორდინაციო საბჭოს სხდომები ყოველკვირეული სიხშირის ნაცვლად, ორ კვირაში ერთხელ გაიმართება.
ინფორმაციას დაავადებათა კონტროლის ცენტრი ავრცელებს.
კომენტარები