“ზურაბიშვილი ამიტომ მოხვდა კარიერული წინსვლის ქვეშ”– წილოსანი

ქართული ოცნების ერთ–ერთი ლიდერი, ნინო წილოსანი სალომე ზურაბიშვილზე საუბრისას, ამბობს, რომ ის მხოლოდ იმიტომ მოხვდა “კარიერული წინსვლის ქვეშ”, რომ უცხო ქვეყნის დავალებას ასრულებდა. როგორ ასრულებდა ივანიშვილის წარდგენილი ზურაბიშვილი უცხო ქვეყნის დავალებას – არ დაუკონკრეტებია, ისევე როგორც არ უთქვამს, რას შეიძლება ნიშნავდეს ტერმინი “კარიერული წინსვლის ქვეშ” და იქნება თუ არა მისი საწინააღმდეგო, მაგალითად, “კარიერული წინსვლის ზემოდან”?

სალომე ზურაბიშვილის სრულ სიგიჟეებზე არანაირი სურვილი არ მაქვს, რომ კომენტარი ვაკეთო. ვერცერთ სხვა ნორმალურს ვერ დამისახელებთ, ვინც ამ ანალიზს აკეთებს. ყველაზე ნაკლებად არის ადამიანი, ვის ინტელექტსაც თუ ანალიზის უნარს, უნდა დაეყრდნოს ვინმე. ეს არის ადამიანი, რომელიც მხოლოდ და მხოლოდ იმიტომ მოხვდა წარმატების თუ კარიერული წინსვლის ქვეშ, რომ ასრულებდა კონკრეტული უცხო ქვეყნების დავალებას. სამწუხაროდ, ეს ადამიანი წარმოადგენდა ამ ქვეყნის პრეზიდენტს, რომელმაც თავისი საქმიანობა შავ ლაქად დაამჩნია მთელ ქვეყანას და ქვეყნის ისტორიას.