“ზიარების საერთო კოვზით ინფექციის გადადება გამორიცხულია” – მეუფე ნიკოლოზი

საპატრიარქოში სინოდის სხდომის დასრულების შემდეგ ახალქალაქისა და კუმურდოს მიტროპოლიტმა, მეუფე ნიკოლოზმა განაცხადა:

„ეჭვის შეტანა იმაში, რომ ზიარების საერთო კოვზით შეიძლება ინფექცია გადაედოს ვინმეს, ეს არის ყოვლად გამორიცხული. შესაბამისად არავითარი ცვლილება არ შეიძლება რომ იყოს.

ცვლილებას რაც შეეხება, გვექნება რეკომენდაცია, რომ ყველა ტაძრებმა მოახერხონ მსახურების გახმოვანება, იმისათვის, რომ არ იყოს სიმჭიდროვე“, – განაცხადა მეუფე ნიკოლოზმა.

სინოდის სხდომაზე მიღებული გადაწყვეტილებების დეტალები მოგვიანებით გახდება ცნობილი.

საქართველოს კათოლიკოს-პატრიარქის ილია მეორის კურთხევით, წმინდა სინოდის სხდომა შედგა, რომელიც კორონავირუსთან დაკავშირებით შექმნილ ვითარებას მიეძღვნა.