ფილოსოფოსი ლევან ღამბაშიძე:
,,ქოცების რეჟიმი მუდმივად ამტკიცებს, რომ ქვეყანაში ორი სახელმწიფოსთვის უმნიშვნელოვანესი რამ ხდება: მშვიდობა და ეკონომიკური აღმავლობა.
მართალია, ორივე მნიშვნელოვანია, თუმცა დააკვირდით, რომ ამ ორს აკლია მესამეც, რაც მსოფლიო ისტორიაში როგორც წესი მათ თან სდევს ხოლმე: კულტურული აღმავლობა.
მაგალითად საქართველოს ოქროს ხანა ავიღოთ: მშვიდობაც იყო და ეკონომიკური აღმავლობაც. რა იყო შედეგი? – “ქართული რენესანსი”.
და რატომ არის ქოცების ბატონობის ხანაში სრული სტაგნაცია ყველა მიმართულებით? რატომ გვენგრევა თავზე ყველა ძეგლი? რატომ ვერ აშენებენ ვერაფერს სკვერების გარდა, რომლებიც ბავშვებს ხოცავენ? რატომ ვერ იღებენ ღირებულ ფილმებს? რატომ ვერ წერენ მუსიკას? რატომ არ ვჩანვართ არსად მსოფლიოში?
პირველი მიზეზი რა თქმა უნდა ისაა, რომ ქვეყანაში სინამდვილეში არც მშვიდობაა და არც ეკონომიკური აღმავლობა. გეუბნებიან ნებისმიერ მომენტში ომი შეიძლება დაიწყოსო და ამას ეძახიან მშვიდობას? ფულს რაც შეეხება, ქოლცენტრებით გამდიდრებული რამდენიმე ათასი ადამიანი ცვლის სტატისტიკას, მაგრამ ქვეყანაში დალხინებულად ისევ ძალიან ცოტა ცხოვრობს.
თუმცა უფრო მნიშვნელოვანი ისაა, რომ რეჟიმმა მტრად გამოაცხადა ყველა თავისუფლად მოაზროვნე ადამიანი, რომელიც მას არ ემორჩილება და რომელიც სინამდვილეში იმ ღირებულს უნდა ქმნიდეს, რითიც ერს შეგვეძლებოდა ტრაბახი.
ზუსტად ეს ხალხია, ვინც დამოუკიდებლად განაგრძობს საქმის კეთებას და თუ კიდევ სადმე ვჩანვართ მათი დაუღალავი შრომის დამსახურებაა, იქნებიან ესენი მწერლები, მსახიობები, მეცნიერები თუ სხვები. მაგრამ მთავრობის მიერ კულტურაში ჩასხმული მილიონობით ლარი სად ჩანს? არსად. და არც გამოჩნდება.
რა გასაკვირია: ზარქუამ უნდა ჩადოს რამე ამაღლებულში ფული? ტალახაძემ? ვიქტორ ჯაფარიძემ? გორდულაძემ? უბრალოდ ვერ გაარჩევენ კარგს ცუდისაგან, ამის ნება რომც ჰქონდეთ. მით უფრო,რომ ყველაფერს, რასაც აფინანსებენ ერთი საზომი აქვს – პარტიისკენ არის თუ არა, მორჩილია თუ არა.
მომავლში მრავალი სხვადასხვა შეფასება ექნება ქოცების ბატონობის ხანას და ერთ-ერთი აუცილებლად იქნება ქვეყნის კულტურული გათახსირება. სირცხვილია, რომ ამხელა პოტენციალი სუპში და ჩიკოპიტატას ძვირიან ფეხსაცმელებში იცვლება.“
კომენტარები