“ვივამედი” რუსეთის მოქალაქეს ეკუთვნის და 31 მილიონი ლარი აქვს მიღებული ტენდერების სახით”– სალომე სიმონია

სამოქალაქო აქტივისტი, სალომე სიმონია:

საჭიროების შემთხვევაში პატიმრები ამ კლინიკაში გადაჰყავთ და ვივამედიც ფაქტობრივად, ბიუჯეტით საზრდოობს.

ოცნების მაღალჩინოსნები მხოლოდ ავადმყოფებისთვის, ბავშვებისთვის განკუთვნილ თანხებს კი არ იპარავენ:

ჯანდაცვის მინისტრის ორი მოადგილე დააკავეს კიდეც. კიდევ რამდენის შესახებ არ ვიცით, ვინ მოსთვლის.

არამედ, ნინო ნადირაძის მსგავსი “ექიმებით” პაციენტებს დასცინიან, აკნინებენ, აბუჩად იგდებენ.

ნადირაძემ ერთ ინტერვიუში გზნებით იკითხა: სად დამინახეთ რუსეთის სამსახურშიო. 

იქ დაგინახეთ, რომ სწორედ იმ რეჟიმის გულმხურვალე მხარდამჭერი და გამმართლებელი ხართ, ვინც:

ახალგაზრდებს სცემს. ბავშვებსა და ავადმყოფებს ძარცვავს. ხალხს აპირისპირებს. ემიგრაციას ახალისებს. ევროპას დღე და ღამე აგინებს.

იმ ევროპას, აქ სასიკვდილოდ განწირული პაციენტები იქ რომ გარბიან სიცოცხლის გადასარჩენად.

სასაზღვროს მონაცემებით, საშუალოდ 50,000 ვიზიტი ხორციელდება მხოლოდ მკურნალობის მიზნით საზღვარგარეთ.