დებატები “რუსთავი2”-ის ეთერში, სადაც ზურაბ ჯაფარიძე საჯარო განცხადებების გამო, მორალურ პასუხისმგებლობას სთხოვს თენგიზ ცერცვაძეს და ამბობს, რომ მისი საჯარო გამოსვლებით “პრავდებოდა” ხელისუფლების გადაწყვეტილებები, რამდენჯერმე ჯაფარიძემ ახსენა ისიც, რომ თენგიზ ცერცვაძე გიორგი გახარიას დარტანიანს ეძახდა. ზურას მაგალითად მოჰყავს შვედეთი, რომელსაც თითქმის არ ჰქონია შეზღუდვები და მიუხედავად ამისა, მასზე მხოლოდ 3 ნაბიჯით ვართ კარგ მდგომარეობაში ინფიცირებულთა და გარდაცვლილი სტატისტიკურ მონაცემზე დაყრდნობით. ბატონ თენგიზს კი მაგალითად მოჰყავს ისრაელი, რომელმაც ორჯერ უმკაცრესი შეზღუდვები გამოიყენა ვაქცინაციამდე და ასე შეამცირა ინფიცირებულ
ზურაბ ჯაფარიძე:
-აპრავებდით, მხარს უჭერდით ამ შეზღუდვებს, რომლის გამოც დიდხანს დავრჩებით ამ სიღარიბეში, ლაპარაკობდით დარტანინაზე და ამაზე და იმაზე, ოღონდ არ გელაპარაკათ რეალურზე, რატომ არ ამბობთ, რომ კომენდანტი მოსახსნელია, რომ პირბადეების გამო, 40 გრადუსიან სიცხეში იხუთებიან ადამიანები…
თენგიზ ცერცვაძე:
-მოისმინეთ ჩემი ბოლო განცხადებები, მოისმინეთ, მე ვითხოვ კომენდანტის საათის მოხსნასაც და ღია სივრცეში პირბადეების ტარების მოხსნასაც. რაც შეეხება დარტანიანს, მიმაჩნდა და ახლაც მიმაჩნია, რომ გახარია კოვიდსიტუაციას მართავდა ძალიან კარგად. ეს არ არის მხოლოდ ჩემი აზრი, ეს არის მთელი მსოფლიოს აზრი, მათ შორის, ბატონი ჰანს კლიუგეს აზრი, რომელიც პირველი კაცია ევროპაში ჯანდაცვის, თან ინფექციონისტია და თქვა: “მართლაც, რომ ბრავო, კარგად მუშაობენ და ასე უნდა გააგრძელონ. ქვეყნის მუშაობას რომ შეაფასებს სიტყვა “ბრავოთი, მე ასეთი არ მომისმენია ჯერ. კოვიდსიტუაცია იმართებოდა მართლაც კარგად.
შვედეთი რომ მოსწონს ბატონ ზურაბს, შვედეთმა პიკის დროს იცით რა ქნა? საშინელება გააკეთა – გაცემული ჰქონდათ განკარგულება ჯანდაცვის სისტემაში, 65 წელს ზემოთ ადამიანები არ გადაეყვანათ კლინიკებში, 65 წელს ზემოთ ადამიანები გაწირეს – იმიტომ რომ არ ჰყოფნიდათ საწოლები. თქვენი შედეგის შემადგენელია ესეც. შვედეთის პოლიტიკამ მოიტანა ის, რომ 65 წელს ზემოთ ადამიანები გაწირეს.
საქართველოს ჰოსპიტალს გარეთ გარდაცვლილია 42 ადამიანი. ინგლისში გარდაცვლილია ჰოსპიტალის გარეთ 40 000 კაცი, იმიტომ რომ ვერ აწვენდნენ პაციენტს და შენ რომ ხედავ, რაღაც დამძიმების საფრთხეა და დანის წვერზე გაივლი და არ დააწვენ, იქნებ არ დასჭირდესო, ეგ იწვევს უკვე სახლში სიკვდილობას.
კომენტარები