ჟურნალისტი გია გაბრიჭიძე წერს:
“საზოგადოებრივ ტრანსპორტთან დაკავშირებით ვინმე სერგო ჩიხლაძე კახი კალაძეს „გაეპაექრა“
ბატონ სერგოს მინდა ვკითხო ბოლოს როდის იმგზავრა საზოგადოებრივი ტრანსპორტით და საერთოდ ოდესმე ჰქონია თუ არა „მეტრომანის“ ბარათი (საარჩევნოდ გადაღებულ კლიპსაც ვერ ვიხსენებ)?
ეს შეკითხვა ბატონი სერგოს მიმართვის პირველი პუნქტის წაკითხვის შემდეგ გამიჩნდა: პირიქითაა ეგ ამბავი კახი, პირიქით! ჯერ უნდა გააკეთო კომფორტული საზ. ტრანსპორტი და მერე გაუჩნდება ადამიანებს სურვილი იმგზავრონ ამ ტრანსპორტით და დააყენონ მანქანა სახლში და არა უკუღმა, რომ ჯერ ადამიანები დაიტანჯონ და მერე შენ როდესმე რამეს გააუმჯობესებ.
თამამად ვიტყვი, რომ საზოგადოებრივი ტრანსპორტი ძააალიან კომფორტულია (ახლა არ დამიწყოთ რაღაც შეძახილების რახარუხი. მე ყოველ დღე (შაბათ-კვირასაც) მინიმუმ 5-6-ჯერ ვმგზავრობ და კარგად ვიცი). იმდენად კომფორტული, რომ ავტობუსში საკუთარი ავტომობილის ძალიან ბევრი მფლობელი მხვდება.
ასევე „საინტერესოა“ მეორე პუნქტიც: კახი, 500 დოლარიანი და 50 000 დოლარიანი მანქანა ერთნაირად დგას საცობში.
ამ „შენიშვნაზეც“ ძალიან მოკლედ ვიტყვი – ავტობუსი საცობში ფაქტობრივად არ დგას.
და ბოლო ფრაზა: ტროტუარები რომ არაა ქალაქში, მანდ რა ვქნათ ფეხით მოსიარულებმა, კახი, ფეხები დავიჭრათ თუ სახლში დავტოვოთ?
მდააა, ე.ი. ბატონი სერგო მარტო საზოგადოებრივი ტრანსპორტით კი არა, ფეხითაც არ დადის.
არის ბატონო სერგო ტროტუარები.
ნამდვილად არის და ბევრად უფრო ფართო, ვიდრე იმ დროს იყო, როცა თქვენმა პოლიტიკურმა კოლეგებმა ტროტუარებიც გაყიდეს იქ კორპუსების ჩასადგმელად.
ბატონ კახის კი მინდა ვთხოვო მოუწოდოს მარკეტების მფლობელებს თავიანთ მაღაზიებში შუქნიშნები დააყენონ და სავალი ნაწილი დახაზონ, რათა ბატონი სერგოს მსგავს ხალხს პურის სექციასთან მისვლა გაუადვილდეთ.”
კომენტარები