ადვოკატმა მიხეილ რამიშვილმა, დღეს, პროკურატურაში გამართული ბრიფინგის შემდეგ წყარო გაასაჯაროვა და თქვა, რომ სატელიტის ფოტოები ვინმე დავით ფურცხვანიძემ მიაწოდა.
ამ ფოტოებით ადვოკატი ამტკიცებდა, რომ გაუჩინარების შემდეგ დღეებში ბაჩალიაშვილის ავტომობილი მაწევანის ტყეში არ იმყოფებოდა და 23 წლის გოგო ჯერ მოკლეს, შემდეგ კი ავტომობილით ტყეში მიიყვანეს.
დღეს პროკურატურა ამბობს, რომ ეს ფოტომტკიცებულებები დამონტაჟებული და გაყალბებულია.
ადვოკატ მიხეილ რამიშვილის მიერ დასახელებული წყარო – დავით ფურცხვანიძე “პრაიმტაიმის” ინფორმაციით პრორუსი ექსპერტი გახლავთ და წლების განმავლობაში რუსეთში ცხოვრობდა. ის ხშირად ესწრება კრემლთან დაკავშირებული ორგანიზაციების კონფერენციებს, რისი დამადასტურებელი მასალა მედიაშიც მოპოვება.
ფურცხვანიძეს დაფუძნებული აქვს „პოლიტიკური ექსპერტიზის ბიურო“ და საკუთარ თავს უსაფრთხოების ექსპერტად მოიხსენიებს.
ის საქართველოში პრორუსული გამოცემების აქტიური რესპონდენტი და „ნიუს ფრონტის“ ქსელის წარმომადგენელია. ცოტა ხნის წინ აღნიშნული ორგანიზაციის ანგარიშები, როგორც რუსული დეზინფორმაციის გავრცელების ინსტრუმენტი, „ფეისბუქმა“ დაბლოკა.
„პრაიმტაიმის“ ინფორმაციით, დავით ფურცხვანიძე წარსულში თაღლითობისთვის იხდიდა სასჯელს.
კომენტარები