თბილისში, დიდ დიღომში მომხდარი სისხლიანი გარჩევის შესახებ ახალი დეტალები ხდება ცნობილი. ზურგის არეში დაჭრილი 19 წლის შოთა ქულუსაშვილია, რომელიც ინგოროყვას კლინიკაში მიყვანის შემდეგ გარდაიცვალა.
ხოლო დაჭრილი 33 წლის თორნიკე გადელია ღუდუშაურისკლინიკაში მკურნალობს და მის სიცოცხლეს საფრთხე არ ემუქრება.
გავრცელებული ინფორმაციით, კონფლიქტი წარსულში მომხდარი დაპირისპირების გამო დაიწყო.
მკვლელობა კომენდანტის საათის დროს მოხდა.
შსს-მ მომხდარ ფაქტზე ერთი პირი დააკავა, რომელმაც უწყების ცნობით, ორი პირი ცეცხლსასროლი იარაღიდან გასროლით დაჭრა, იარაღი კი გადააგდო. შსს-ს ინფორმაციით, დანაშაულის ჩადენის იარაღი შემთხვევის ადგილის მიმდებარე ტერიტორიიდან ნივთმტკიცებად ამოიღეს.
განზრახ მკვლელობა, დამამძიმებელ გარემოებაში განზრახ მკვლელობის მცდელობა და ცეცხლსასროლი იარაღის მართლსაწინააღმდეგო შეძენა – ეს ის მუხლებია, რომლითაც შსს დაკავებულს ედავება.
კომენტარები