იუსტიციის მინისტრი, რატი ბრეგაძე რომელიც რესტორანში იპოვა “მთავარის” ჟურნალისტმა, პატრულის გამოძახებას ითხოვს, იგი ამბობს, რომ სამუშაო საათების მიუხედავად, პირად შეხვედრაზეა და ამიტომ ასეთ დროს, მისი გადაღება დანაშაულია.
ვიდეოს მიხედვით, თავდაპირველად მინისტრი თანხმდება ინტერვიუს და არ აპროტესტებს ჟურნალისტის მის მაგიდასთან მისვლას – იგი ინტერესდება, რა კითხვები აქვს ჟურნალისტს, თუმცა, როცა კითხვებს ისმენს, იწყებს საუბარს პირად შეხვედრაზე და პატრულის გამოძახებით იმუქრება.
“გოგონა, ხელი მოგტეხოთ?” – ისმის ვიდეოში მამაკაცის ხმა, რომელიც ჟურნალისტის გაყვანას ცდილობს.
არ ვიცოდით, ბატონო რატი, სამუშაო საათების დროს, პირადი შეხვედრებზე სასიარულოდ თუ გიხდით გადამხდელთა ფულით შევსებული ბიუჯეტიდან ხელფასს.
კომენტარები