ექსპრეზიდენტ მიხეილ სააკაშვილის მიმართვა საზოგადოებას და “ენმ”-ს:
“მივმართავ საზოგადოებას და “ერთიანი ნაციონალური მოძრაობის” აქტივს:
მთელი ეს თვეები ვიბრძვით, რომ მოპარული არჩევნების შედეგები გაუქმდეს და ჩატარდეს ახალი არჩევნები. მივაღწიეთ იმას, რომ ეს თვეები ოპოზიცია ინარჩუნებდა ერთიანობას, მივაღწიეთ საერთაშორისო პარტნიორების ჩართულობას და მადლობელი ვარ ამერიკელების და ევროპელების.
ის დოკუმენტი რომელიც დაიდო, შეიცავს ბევრ ხარვეზს და შორს არის იმისგან რაც ბოლომდე გადაწყვეტდა კრიზისს, მაგრამ იქ არის ორი მთავარი რამ, პირველი ის, რომ ჩვენი პარტიის გმირული თავმჯდომარე ნიკა მელია უნდა გამოვიდეს საპატიმროდან, ისევე, როგორც გიორგი რურუა. ნიკა მელიამ უნდა დატოვოს საპატიმრო ყოველგვარი დამამცირებელი პირობების გარეშე, მაგრამ მას შემდეგ რაც ის დატოვებს საპატიმროს, მე მინდა მოვუწოდო “ნაციონალურ მოძრაობას”, ხელი მოვაწეროთ ამ შეთანხმებას, ამ შეთანხმებაში მთავარი მეორე პუნქტია, შემოდგომაზე პრაქტიკულად დაინიშნა რეფერენდუმი ადგილობრივ არჩევნებთან ერთად, 43 % ბარიერი, ძველი კომისიის პირობებში, მაგრამ ეს არის უკვე დაშვება რიგგარეშე არჩევნების და რეფერენდუმი.
შემოდგომაზე ჩვენ ის უნდა მოვიგოთ ამისათვის უნდა გამოვიყენოთ ყველა ინსტრუმენტი, უნდა შევიდეთ იმ პარლამენტშიც, რომელიც მიგვაჩნია უკანონოდ, უნდა გამოვიყენოთ ბრძოლის ყველა ფორმა.
მინდა გითხრათ შემდეგი გადაწყვეტილების შესახებ, მეც მიხეილ სააკაშვილი, ამ რეფერენდუმის წინ, წინასწარ ჩამოვალ საქართველოში, ფიზიკურად ვიქნები თქვენთან ერთად, რა რისკის ფასადაც არ უნდა იყოს ჩემი სიცოცხლისთვის, თუ ჩემი თავისუფლებისთვის, მე აუცილებლად ვიქნები ამ პროცესის უშუალო მონაწილე, დამსწრე და თქვენთან ერთად ჩვენი გარდაუვალი გამარჯვების აქტიური შემოქმედი.”
კომენტარები