აქციების ერთ-ერთი ორგანიზატორი, მწერალი, ალექსანდრე პაიკიძე, სოციალურ ქსელში, ვიდეომიმართვას ავრცელებს, სადაც ამბობს:
“რაღაცნაირი ფონი იქმნება, ძალიან ამაზრზენ თემებზე გვიწევს საუბარი.
კრიტიკას ვერ იტანს ვერავინ, ყველას ჰგონია თავის საქმეს აკეთებს ისე, რომ მას არავინ უნდა შეეხოს. 1 წელი ვცდილობთ დიპლომატიურად მივუდგეთ, მოვეფეროთ…
საბიუჯეტო სექტორზე მაქვს ლაპარაკი, მთავარ არგუმენტს ვისმენს – ხალხს ვეხმარებითო – რად მინდა შენი დახმარება, ამოიღე ხმა, თქვი ხელფასი საიდან მოგდის შენ. შენ რომ ერთი წელი კარგად ხარ და მე ცუდად ვარ, ასე არ ხდება. პერსონალურად ჩემზე არ ვამბობ, ასიათასი ადამიანია ჩემ დღეში.
როგორ არ გრცხვენიათ? ახლა რომ სახელმწიფო ხელფასს იღებთ, თქვენი შვილების ფულს იღებთ. ამოიღეთ ხმა, აღარ არის სხვა საშუალება. საიდან იღებთ ხელფასს, რატომ არ კითხულობთ?
ნუ გვაბულინგებთ, ჩვენ ხომ ვმუშაობთო, ამბობთ და რომ მუშაობთ, ხელფასს საიდან იღებთ? რომ მუშაობთ, ჩვენც გვინდა მუშაობა… მე ონლაინ ვმუშაობ, ძმაო, იცი, როგორ ვიღლები? – შენ იღლები და მე ვერ ვმუშაობ…
არ მოსულა, მასე. ყველანი მოდით გონს. გვართმევს ბანკები, ყველაფერს გვართმევს, იმიტო რო ხმას არ იღებთ, გრცხვენიათ და გეშინიათ. მთელი ქვეყანა არის ერთი დიდი მშიშარების კრებული – 200 კაცს წამოგვარტყეს, ორასივე ჩუმადა ვართ, მარტო მე ხომ არ წამომარტყეს, მარტო მე კი არა ვარ “ჩმორი”… – არა არის, ძმაო, ეგრე…
ვალს იღებს სახელმწიფო რომ შენ გარჩინოს, “იმენა” შენ, ახლა სახელმწიფო სამსახურში რომ ხარ და აქეთ დასცინი ვინც აქციაზე გამოდის, დასცინი გაჭირვებულ ხალხს. რა ამაზრზენი ტიპები ხართ, თქვენი გამართლებებით… არა გაქვთ გონება გავიგე, მაგრამ სინდისს და გულს მაინც მოუსმინეთ – შეუძლებელია, არ შეიძლება ასე გაგრძელება.
50 მილიონი იყო პრემიერის და პრეზიდენტის სარეზერვო ფონდი 2020 წლის დასაწყისში, ეს არის ერთადერთი ფონდი, საიდან გასული თანხაც არ კონტროლდება, არ აღიწერება არსად, შეცვლილი ბიუჯეტის ფარგლებში 721 მილიონზე ავიდა ეს თანხა – სად წავიდა ეს 721 მილიონი, იკითხეთ?
კოვიდს ებრძვი თურმე, რა კოვიდს ებრძვი, ხომ არ გაგიჟდი, კოვიდი გებრძვის ხელისუფლებასთან ერთად – შენ, ყველას… ეს არის სიმართლე.
ჯერ იყო და ნაცმოძრაობა მოდის, ნაცმოძრაობა მოდისო, ამითი ხომ ტვინი უღუნეს ხალხს და ახლა მაგარი რაღაცა გააძრეს – ვაიმე, პოლიტიკოსები… ოპოზიციის პოლიტიკოსები არიან საზიზღარი ტიპები და ესენი კაი ტიპები არიან… რა ნასხვავებაა ოცნების პოლიტიკოსსა და ოპოზიციის პოლიტიკოსს შორის? მე არც ერთ ორგანიზაციას არ წარმოვადგენ…
თქვენ ყველანი ხართ მშიშრები და ყველანი ცხოვრობთ თქვენი შვილების ხარჯზე… ათი წლის მერე თქვენმა შვილებმა რაც უნდა გააკეთონ, იმას ჭამთ ახლა თქვენ, ასე სხედხართ გატრუნულები და იმას ჭამთ…
ჩემ ნათესავებს და ჩემ მეგობრებს ვგულისხმობ პირველ რიგში, გატრუნულები რომ არიან და ხმას არ იღებენ ერთი წელია, მოიკითხე თქვენ ირგვლივ ვინმე… წაიღო ბანკმა ყველაფერი, ხვალ დილას რომ გამოხვალთ, ერთი ტიპის ხელში დაგხვდებათ ყველაფერი, პურზე რო გეტყვის 5 ლარიაო, გადაიხდი, იმიტო რო, მეორე მაღაზია არ იქნება, სადაც 3 ლარად იქნება პური, გაიგე? ოპოზიცია რომ ზის, თქვას, რა ფუნქცია უნდა ჰქონდეს პარლამენტს.
გამყრელიძის ხასიათზე უნდა იყოს დამოკიდებული? წადი, ბიჭო, ვინა ხარ, საიდან მოხვედი, რომელი მთავარანგელოზი შენა ხარ. რატომ შექმენით ეს ხატი – უკვდავები ხართ?
ეს არის პოლიციის ფუნქცია? კრიმინალს უნდა სდიოს და ნიღბებზე დაგვსდევენ… სამსახურიდან რომ გაუშვებენ, გავიგეთ, მაგრამ ყველამ უნდა თქვას, ჩვენც გაგვიშვეს ნახევარი მილიონი ადამიანი სამსახურიდან.
შვილების დაცვის ეგიდით, უსპობთ შვილებს მომავალს. ვერაფერს ვერ ვეღირსებით, ყველაფერი გაძვირდება, თქვენი ხელფასი 2 თვეში იქნება 2 შაური… ხალხის ნაწილს დასაკარგი აღარაფერი აქვთ უკვე… თქვენ თუ დასაკარგი გაქვთ, ვალების ხარჯზე გაქვთ დასაკარგი. იმიტოა გახარია თითს რომ იქნევს, ვალად აიღებს ფულს და თუ არ მომინდება არ მოგცემო, ამბობს.
ვინ უნდა მიწესებდეს წესრიგს, შევარდნაძის დროინდელი, კორუმპირებული გამყრელიძე? თუ არ იციან, სამედიცინო სივრცე რომ არის გატრუნული, ვინ არის გამყრელიძე! იკითხეთ შიდა სივრცეში.
ქვეყანა არის ხალხის ერთობლიობა. მე რომ კენჭს ვიყრიდე, ვიქნებოდი ჩუმად, ისევე როგორც არიან ჩუმად ოპოზიციის დიდი ნაწილი, ძალიან პატარა გამონაკლისის გარდა – ხმას არ იღებს ამაზე არავინ, იმიტომ რომ ისინიც ლობისტები აირნა რაღაცეების და მაიმუნები, ისევე, როგორც ხელისუფლება.
როგორც გინდა ისე იცხოვრეთ და ჩუმად მაინც იყავით, თუ საქმის კეთება არ გინდათ და ხალხს ნუ უშლით ხელს, ფუფუნებას კი არ ვითხოვ და შამპანიურების სმას – 4 შვილის მამა გეუბნებით ამას. 4 ძმაკაცი შემიძლია მოვიყვანო, რომელსაც ასევე 4 შვილი ჰყავს – 16 შვილი გვყავს ჯამში… ეს ის ხალხია, ვინც საქმეს აკეთებს და რომ დასჭირდეს ომშიც წავლენ. ჩემნაირები არიან მერე, რაღაცა რომ ემართებათ და ამბობენ, უი, მოკვდა საწყალიო და მერე ისევ აქ რჩებიან…”
კომენტარები