“ვიბრძოლოთ თავისუფლებისთვის” – უკრაინის დამოუკიდებლობის დღეს თბილისში მსვლელობა გაიმართება

უკრაინის დამოუკიდებლობის დღეს, 24 აგვისტოს, თბილისში უკრაინელებისა და უკრაინელი მეგობრების მსვლელობა გაიმართება. ორგანიზატორების ცნობით, მსვლელობა ტარას შევჩენკოს ძეგლიდან (ილია ჭავჭავაძის გამზირი, 2) დაიწყება და საქართველოს პარლამენტის წინ დასრულდება.

მათივე თქმით, უკრაინელებმა და ქართველებმა ყველაზე უკეთ იციან იმ თავისუფლების ფასი, რომლისთვისაც გვერდიგვერდ იბრძვიან.

“19:30-20:00- მონაწილეთა შეკრება ტარას შევჩენკოს ძეგლის მიმდებარე მოედანზე;
20:00-20:40 – მსვლელობა გამზირის გასწვრივ საქართველოს პარლამენტის წინ მოედნის მიმართულებით;
20:40-21:00 –აქცია საქართველოს პარლამენტის შენობასთან.

იბრძოლეთ – გაიმარჯვებთ!
თქვენ ღმერთი გეხმარებათ!
თქვენთან არის ჭეშმარიტება, თქვენთან არის დიდება და ნება წმინდაა!

შევჩენკოს ეს სიტყვები ოქროს ძაფია როგორც უკრაინის, ისე საქართველოს ისტორიაში. ჩვენ თქვენთან ერთად ყველაზე უკეთ ვიცით ამ თავისუფლების ფასი, რომლისთვისაც ახლა გვერდიგვერდ ვიბრძვით.

და ამ დღეს გვინდა მადლობა გადავუხადოთ ქართველ ხალხს მხარდაჭერისთვის, ყოველ ხმამაღლა წარმოთქმულ ფრაზისთვის „დიდება უკრაინას“, ყოველი ყვითელ-ლურჯი დროშისთვის თქვენი ქვეყნის ქუჩებში და ყოველი ლარისთვის, რომელსაც თქვენ შემოწირავთ უკრაინის მხარდასაჭერად.
ჩვენ კვლავაც გვჭირდება თქვენი მხარდაჭერა და დახმარება! ჩვენ ერთად აუცილებლად დავამარცხებთ ჩვენს საერთო მტერს!

ვიბრძოლოთ თავისუფლებისთვის!” – ნათქვამია ორგანიზატორების გნაცხადებაში.