ვერ ვხედავ იმის პოტენციალს, რომ უახლოეს მომავალში ნატო თავის პოზიციას შეცვლის – კულება

უკრაინის საგარეო საქმეთა მინისტრმა, დმიტრო კულებამ განაცხადა :

„ველოდები, რომ უახლოეს მომავალში ნატო გააგრძელებს იმის დადასტურებას, რომ კარი ღიაა და ბუქარესტის სამიტის გადაწყვეტილება ძალაში რჩება. უკრაინაც რჩება ევროატლანტიკური ინტეგრაციის გზაზე, მაგრამ მე ვერ ვხედავ იმის პოტენციალს, რომ უახლოეს მომავალში ნატო თავის პოზიციას შეცვლის ევროკავშირის მსგავსად და უკრაინის ალიანსში გაწევრიანების უზრუნველსაყოფად კონკრეტული საქმის კეთებას დაიწყებს“

„არსებობს ნატო, როგორც ქვეყნების გაერთიანება, რომლებიც გადაწყვეტილებებს კონსენსუსით იღებენ. ასე რომ, ამ ერთიან წრეში, ჩემი აზრით, არაფორმალური გადაწყვეტილება მიიღეს: იმისათვის, რომ რუსეთმა არ გამოიყენოს არგუმენტი, რომ ნატოსთან ომობს, ალიანსი, როგორც ერთიანობა, მეორეხარისხოვან როლში იქნება. მათ ახლა ხელახლა გააფორმეს თავიანთი დახმარების პაკეტი, იქ რაღაც მოხდება, მაგრამ სტრატეგიულად გადაწყდა, რომ უკრაინის მხარდასაჭერად ნატო არ იქნება წინა პლანზე.”