“ვაშაძე “ნაციონალებს“ კვოტებს სთხოვდა ფულის სანაცვლოდ, აბა, ისე ვის რად უნდა” – დავით ჭიჭინაძე

დავით ჭიჭინაძე სკანდალურ განცხადებას ავრცელებს, ოპოზიციაში არშემდგარი გარიგებების შესახებ:

„ მე თავიდანვე ვთქვი, რომ ეს ე.წ. ერთობა დაინგრეოდა.

გიორგი ვაშაძე კი, უბრალოდ არასერიოზული ადამიანია. თუნდაც იმიტომ, რომ როდესაც თამაშობ ვიღაცის თამაშს, ბოლომდე მაინც უნდა ითამაშო… თუმცა „ნაციონალურ მოძრაობაში“ ეყოთ გონება არ დათანხმებოდნენ იმ უწესო წინადადებებს, რომელსაც გიორგი ვაშაძე მათ სთავაზობდა.

ის ითხოვდა კვოტებს ფულის სანაცვლოდ, აბა ისე ვაშაძე ვის რად უნდა. „ ნაციონალებმა“ უარი უთხრეს, ვაშაძესაც არაფერიც აღარ დარჩა.

ისე ფულს ვინ იძლევა ამ ქვეყანაში ყველამ ვიცით. შესაბამისად ზუსტად იქიდან აქვს გიორგი ვაშაძესაც ამხელა დაფინანსება! აბა ის ბიზნესში არასოდეს ყოფილა და სულ პოლიტიკაშია, სამაგიეროდ ახლო ნათესავი ჰყავს „მთავარი ქისა.

ამიტომ ვამბობ ყოველთვის, რომ ჩემს ოლქში მე „ქართულ ოცნების“ ორ კანდიდატს ვუპირისპირდები.“

ნიუპოსტი