ქუთაისის 90-ე უბნის რეგისტრატორი, იზა ჩირგაძე, რომელიც გაყალბებაზე საუბრის შემდეგ ორი დღით გაუჩინარდა, პოზიციას იცვლის და აცხადებს, რომ მასზე ზეწოლა არ ყოფილა.
ანა ჩირგაძეს “ფორმულა” დაუკავშირდა, რომელთანაც საუბარში მისი გაუჩინარების მიზეზები განმარტა. როგორც ჩირგაძემ თქვა, გაყალბების სქემებზე საჯაროდ საუბრის შემდეგ შეურაცხმყოფელ წერილებს იღებდა, რის შემდეგაც გადაწყვიტა, ტელეფონი გათიშა და სიტუაციას ოჯახთან ერთად გაერიდა.
ჩირგაძის ცნობით, ის გუშინ, 3 ნოემბერს პოლიციამაც დაკითხა.
“წაგვიყვანეს [პოლიციაში] იმისთვის, იყო თუ არა მშვიდობა დამუქრების მხრივ. დაკითხვის დროს იკითხეს ჩვეულებრივად, ვინმემ რაიმე ზეწოლა, ან რამე საფრთხეში ხომ არ ხარო. ტელეფონი გამორთული მქონდა, ფეისბუქიც. მანამ, სანამ გამოვრთავდი ძალიან ბევრი შეურაცხყოფა იყო, ბევრი ლანძღვა იყო. მერჩივნა, ეს ყველაფერი წყნარ ვითარებაში დამთავრებულიყო,”- აცხადებს ჩირგაძე.
ჩირგაძე ამბობს, რომ ის აღარ აპირებს ამ თემაზე საუბარს.
“საზოგადოებას მოვუწოდებ, ტყუილს არავინ არ ამბობს, შეეშვან ლანძღვას, ყველამ მიხედოს საკუთარ თავს, საკუთარ ოჯახის წევრებს. რაც იყო დავტოვოთ ისე, ყველამ ყველაფერი იცის, რა მოხდა. ზედმეტს არაფერს დავამატებ. ვაპირებ, რომ გავჩუმდე, მაგრამ ყველამ ყველაფერი იცის ისედაც”, – ამბობს იზა ჩირგაძე.
შეგახსენებთ, ქუთაისის 90-ე უბნის კომისიის წევრი იზა ჩირგაძე მედიის ყურადღების ცენტრში მას შემდეგ მოექცა, როცა მან მეორე ტურზე გაყალბების სქემების შესახებ ღიად ალაპარაკდა. ჩირგაძემ მეორე ტურის შემდეგ განაცხადა, რომ მან “ქართული ოცნებისგან” არჩევნების გაყალბების დავალება მიიღო. ამ განცხადებების შემდეგ იზო ჩირგაძე ორი დრის განმავლობაში გაუცინარდა და კონტაქტზე არ გამოსულა.
მომხდარს დღეს “ქართული ოცნების” ლიდერი მამუკა მდინარაზე გამოეხმაურა და იზა ჩირგაძე არასწორი ინფორმაციის დაადანაშაულა.
კომენტარები