“უკრაინის ხელისუფლებას უბრალოდ მიუფურთხებია ადამიანის სიცოცხლისთვის. მათთვის აბსოლუტურად სულერთია კლავენ თუ არა რუსეთის, თუ უკრაინის მოქალაქეებს. მათ ახლა მხოლოდ ერთი რამ აინტერესებთ, რომ მსხვერპლის რაოდენობა იყოს მეტი. ისინი ყველაფრისთვის მზად არიან. ეს უკვე აშკარაა.”
შეგახსენებთ, რუსეთი უკრაინას 24 თებერვლას დაესხა თავს და არაერთხელ დაბომბა მას შემდეგ ბავშვთა საავადმყოფოები, საცხოვრებელი კორპუსები, დახოცა პურის რიგში მდგომი მოქალაქეები, შეუთანხმდა უკრაინას ცეცხლის შეწყვეტაზე 5 მარტს და შემდეგ, თავშესაფრიდან გამოყვანილი ადამიანები დაბომბა, რომლის დროსაც, 18 თვის ჩვილი დაიღუპა. დაბომბა მოხალისეების ბაზა, ესროლა ჟურნალისტების მანქანას და დახოცა ისინი, დაბომბა არაერთი თავშესაფარი, მათ შორის, მარიუპოლის თეატრის შენობაც, დაბომბა ასევე მატარებელი, რომლითაც მშვიდობიანი მოქალაქეების გადაჰყავდათ და ა.შ. გარდა ამისა, იმასაც შეგახსენებთ, რომ ამ ომის პერიოდში, მიუხედავად იმისა, რომ რუსეთი 9 მარტამდე ამტკიცებდა, რომ მას ამ ომში წვევამდელები არ გაუგზავნია, უკრაინის მთავრობამ არაერთი ვიდეო გამოაქვეყნა, სადაც ტყვედ ჩავარდნილი ჯარისკაცი ჰყვება, რომ წვევამდელი იყო და მოტყუებით წამოიყვანეს ომში. სწორედ ასეთი არაერთი ვიდეოს შემდეგ, 9 მარტს აღიარა რუსეთმა, რომ უკრაინაში საომრად, მართლაც უშვებდა წვევამდელებს.
კომენტარები