საქართველოს საზოგადოებრივ საქმეთა ინსტიტუტის (GIPA) პროფესორი, გიორგი კობერიძე:
უკრაინაში მიმდინარე დემონსტრაციები თავდაცვის გადაყენებული მინისტრის მხარდასაჭერად სრულიად მოსალოდნელი იყო. მოსახლეობის მნიშვნელოვან ნაწილში ფედოროვი წარმოადგენდა ახალგაზრდა, ენერგიულ მომავალს, რომელიც ინოვაციური ომის პრინციპზე აგებდა თავდაცვას. გენშტაბის უფროსი სირსკი უფრო ტრადიციონალისტია ამ მხრივ. მათ შორის დაპირისპირება კი ნამდვილად არსებობდა.
ზელენსკის მოუწია რთული არჩევნის გაკეთება. თუკი ფედოროვს აირჩევდა მას სტრუქტურული კი არა სისტემური ცვლილების დაწყება მოუწევდა როგორც სამხედრო ისე პოლიტიკური კუთხით მთელს უკრაინაში. ომის დროს კი ეს ძალიან რთული პროცესია. სირსკის არჩევით კი არსებული რეალობა გაგრძელდება და ნელ-ნელა შეიცვლება სისტემა მხოლოდ.ამასთან, პოლიტიკურიც იყო ზელენსკის არჩევანი. მის გუნდში არიან ადამიანები, რომლებიც უფრო მეტად მხარს უჭერენ არსებულ ვითარებას, ვიდრე ცვლილებებს.საბოლოოდ, რუსები კმაყოფილი არიან: მათ უკრაინის შიგნით პოლიტიკური პროცესების გამოღვიძებაც გაუხარდათ და ფედოროვშიც საშიშ ფიგურას ხედავდნენ.
თუმცა ერთი რამ მაინც თვალში საცემია: ომის პირობებშიც კი, ქვეყანაში ხალხს მშვიდად შეუძლია ქუჩაში გამოსვლა და დემონსტრაციის მოწყობა კონკრეტული ადამიანის მხარდასაჭერად ისე, რომ ქვეყნის საომარ მდგომარეობას საფრთხე არ შეექმნას.
კომენტარები