“წუთი–წუთზე ჩაიკეტება ქართულ-რუსული საზღვარი” – მოროშკინა

სანამ პრემიერი სინგაპურშია!

ალბათ წუთი წუთზე,

ან მაქსიმუმ დღე-დღეზე ჩაიკეტება ქართულ-რუსული საზღვარი.

გამოიწვევენ ელჩის მოვალეობის შემსრულებელს. (ან ისედაც რას აკეთებდა? ვინმეს მისი ხმა გაუგია?)

გამოყრიან იქ მომუშავე და “შოკოლადში” მყოფ ქართველებს, რომლებიც საქართველოს ეკონომიკას აჯანსაღებენ.

აიკრძალება ხილის, ბოსტნეულის, გაზიანი

სასმელის, კოკა-კოლის და ლიმონათის გატანა.

პურ-ბურღულეულის,

შაქრის, ტკბილეულის შემოტანა.

გაუქმდება ასე სიმწრით აღდგენილი ფრენები და უამრავი ადამიანი, რომელიც სამკურნალოდ და სასწავლებლად აპირებდა წასვლას, გაწბილებული დარჩება.

ვინმეს ეს ადარდებს?

თუ კი, მაშინ გუშინდელი აქციის ყველა წევრი დაპატიმრებული უნდა იყოს.

სხვა შემთხვევაში უდიდეს, მრავალსვლიან საბოტაჟთან გვაქვს საქმე, საიდანაც მძიმე დანაკარგებითაც ვერ გამოვალთ!