“ცურვა არ იცოდა, დედამისისთვის ტელეფონი კალთაში ჩაუდია და გადამხტარა…” – საბედისწერო ექსკურსია

საბედისწერო ექსკურსია რაჭაში – საჩხერიდან რაჭაში ექსკურსიაზე წასული მოზარდი შაორის ტბაში დაიხრჩო. სოფელ ქორეთში ამბობენ, რომ ბავშვებთან ერთად ექსკურსიაზე მასწავლებლები და მშობლებიც იმყოფებოდნენ. დაღუპული მოზარდი კი რაჭაში დედასთან და ბიძასთან ერთად იმყოფებოდა, რომელიც მისივე პედაგოგი იყო. 14 წლის ბავშვის ცხედარი უკვე სახლშია გადასვენებული.

არსებული ინფორმაციით, 14 წლის მოზარდს ფოტოს გადაღების დროს ქვაზე ფეხი დაუცურდა და წყალში ჩავარდა.

დაღუპულის მეზობლები და ნათესავები ამბობენ, რომ ბავშვმა ცურვა არ იცოდა და წყალში გადახტომისთანავე თავი ქვას დაარტყა:

“ექსკურსიაზე იყო წასული ბავშვი, წყალში ჩასულა საბანაოდ და თავი აქვს დარტყმული, დედამისისთვის ტელეფონი კალთაში ჩაუდია და გადამხტარა, თავი დაარტყა იქვე ეტყობა”, – ამბობს ოჯახის ახლობელი.

წყარო – ნიუპოსტი