ჟურნალისტი, ლაშა ბერულავა:
🔴 მოსკოვში, რესტორან Balzi Rossi-ში მომხდარი აფეთქების შესახებ” ცნობები თუ გაინტერესებთ, ერთად შევკარი ის, რაც ამ დროისთვისაა ცნობილი:
გავრცელებული ცნობებით, აფეთქების შედეგად 3 ადამიანი დაიღუპა, ხოლო დაახლოებით 20 დაშავდა.
უკრაინული მედიის ცნობით, აფეთქების დროს რესტორანში ერთ-ერთი რუსი გენერლის დაბადების დღე აღინიშნებოდა. თუმცა, ამ დროისთვის ამ ინფორმაციას ოფიციალური დადასტურება არ აქვს.
რუსულ Telegram-არხებსა და სოციალურ ქსელებში წერენ, რომ აფეთქების მომენტში Balzi Rossi დახურული იყო კერძო ბანკეტისთვის. ამავე ცნობებით, შემთხვევის ადგილზე თვითმხილველებმა შენიშნეს შავი სამხედრო სანომრე ნიშნების მქონე ავტომობილები და როსგვარდიის ავტობუსი, რამაც სხვადასხვა ვერსიის გავრცელებას შეუწყო ხელი.
პროსამთავრობო Telegram-არხი Mash თავდაპირველად აფეთქების სავარაუდო მიზეზად გაზის გაჟონვას ასახელებდა, თუმცა მოგვიანებით რუსულ ონლაინ-დისკუსიებში გაჩნდა საწინააღმდეგო მოსაზრებებიც. მათი ავტორები ამტკიცებენ, რომ შენობაში ცენტრალური გაზი საერთოდ არ იყო მიყვანილი, რის გამოც ოფიციალური ვერსიის მიმართ კითხვები გაჩნდა.
ამავე დროს, რუსულ Telegram-სივრცეში დაიწყო ვარაუდები იმის შესახებ, თუ რომელი გენერლის დაბადების დღე შეიძლებოდა აღენიშნათ. ყველაზე ხშირად სახელდება ორი გვარი:
ვლადიმირ სელივიორსტოვი — გენერალ-მაიორი, ყოფილი 106-ე საჰაერო-სადესანტო დივიზიის მეთაური;
ალექსანდრ იაროშევიჩი — გენერალ-ლეიტენანტი, რუსეთის თავდაცვის სამინისტროს ტრანსპორტის უზრუნველყოფის დეპარტამენტის უფროსი.თუმცა, ამ ეტაპზე არც ერთი სანდო რუსული მედია, სამხედრო ბლოგერი ან ოფიციალური უწყება არ ადასტურებს, რომ რომელიმე მათგანი Balzi Rossi-ში იმყოფებოდა ან აფეთქებასთან კავშირი ჰქონდა.
ამ დროისთვის ასევე არ გამოქვეყნებულა დაღუპულთა და დაშავებულთა ოფიციალური ვინაობა, რის გამოც გენერლის შესახებ გავრცელებული ცნობები მხოლოდ დაუდასტურებელ ვერსიებად რჩება.
კომენტარები