გადაცემა “რეაქციაში”, ჟურნალისტ ინგა გრიგოლიას კითხვებს პასუხობს, ნაცინალური მოძრაობის თავმჯდომარეობის კანდიდატი, ლევან ხაბეიშვილი.
გადაცემაში გავიდა ასევე ვიდეო, 2016 წლით დათარიღებული, რითიც, ლევან ხაბეიშვილს აჩვენეს, რას ამბობდა იგი დავით კეზერაშვილზე.
ინგა გრიგოლია:
-გამახსენდა თქვენი ჯერ ისევ მოქმედი თავმჯდომარის განცხადება, არ შეიძლება ერთი ოლიგარქის ჩანაცვლება, მოოლიგარქო ტიპებით, და მაშინ ნიკა მელიამ პირდაპირ დავით კეზერაშვილს გაუხსნა ცეცხლი. ამბობთ, რომ ეს ყველაფერი არ არის ვანო მერაბიშვილის და დავით კეზერაშვილის გეგმა, რა ვქნათ, რომ დაემთხვა დროში და პოლიტიკურ სივრცეში სწორედ ნიკა მელიას განცხადებებს ეს აგორებული სკანდალები?
ლევან ხაბეიშვილი:
-მესამეჯერ მეკითხებით და მესამედ ვთანხმდებით, რომ ნიკა მელია ამბობდა, მანამდეც მიდიოდა არჩევნებზე მსჯელობაო, კეზერაშვილი რა შუაშია?
ინგა გრიგოლია:
-არ დგას კეზერაშვილი თქვენ უკან?
ლევან ხაბეიშვილი:
-ჩემ უკან დგას ნაციონალური მოძრაობის მხარდამჭერები.
ინგა გრიგოლია:
-გააკეთა ნიკა მელიამ განცხადებები დავით კეზერაშვილზე, თქვა, რომ მოოლიგარქო კაცით ჩანაცვლება არ შეიძლება ოლიგარქის და გადის ძალიან ცოტა დრო და იწყება შეტევა ნიკა მელიაზე და შეთქმულება, ბრიფინგები და განცხადებები.
ლევან ხაბეიშვილი:
-რა შეთქმულება…
ინგა გრიგოლია:
-აკეთებთ, თუ არა ამ ყველაფერს დავით კეზერაშვილის ზურგით, რომელიც რამდენადაც ვიცი, თქვენი დამფინანსებელიც იყო… იმ ანტიკორუფციული მოძრაობისა, რომელშიც თქვენ ძალიან აქტიური ხართ.
ლევან ხაბეიშვილი:
-ამ ანტიკორუფციულის გამო მებრძვის უცა მამაცაშვილი, მემუქრება კიდევ ერთი ოლიგარქი ჩხარტიშვილი, რუხაძე და სხვები. რაც შეეხება კეზერაშვილს უკან დგომას – კეზერაშვილს ერთი ხმაც არ აქვს ამ არჩევნებზე.
ინგა გრიგოლია:
-რად უნდა ხმა? თუკი ჰყავს ადამიანები, რომლებიც მის სათქმელს, მის გადაწყვეტილებას გაიტანენ? ნიკა მელიამ თქვა, რომ მას ჰქონდა მცდელობა პარტია გაეკონტროლებია და ვერ გამოუვიდა. ახლა მას თუ ეგულება ლევან ხაბეიშვილი, არ ვიცი, ბოტკოველი, კირკიტაძე, თუ სხვები და სხვები, რომელთა მეშვეობით, თუკი მელიას ლოგიკას გავყვებით, თუკი გააკონტროლებს პარტიას, რად უნდა ხმა?
ლევან ხაბეიშვილი:
-მართლა არ მესმის რატომ შეიძლება უნდოდეს პარტიის გაკონტროლება დავით კეზერაშვილს. ეს ნიკას პოზიციაა და ვწუხვარ ასეთ განცხადებებს რომ აკეთებს. მე მხოლოოდ საქმიანი ურთიერთობა შემიძლია მქონდეს მასთან და არავითარ შემთხვევაში, პარტია რომ დავაზიანო ისეთ განცხადებებს არ გავაკეთებ. რაც შეეხება ნიკას, ის აკეთებს განცხადებებს, რომელიც მერე აზიანებს საერთო ოპოზიცირ ფლანგს.
ინგა გრიგოლია:
-თქვენ არასოდეს გაგიკეთებიათ ისეთი განცხადება რომელიც დააზიანებდა ოპოზიციურ ფლანგს? სოციალურ ქსლეში ძალიან აქტიური იყო არქივიდან მონაკვეთი სადაც თქვენ დავით კეზერაშვილზე, კორუფციაზე, მილიონებზე საუბრობდით და მაშინ როდის იყავით მართალი, როცა ამბობთ, რომ თქვენთვის ახლა დავით კეზერაშვილი იქნება პარტნიორად მისაღები, რომ დაამარცხოთ ერთად ბიძინა ივანიშვილი, თუ მაშინ იყავით მართალი, როდესაც იმ განცხადებას აკეთებდით?
ლევან ხაბეიშვილი:
-2016 წლის შემდეგ, ოპოზიცურ ფლანგზე ვთანამშრომლობდით ადამიანებთან, რომლებიც არათუ წინა ხელისუფლებაში იყვნენ, არამედ ქართული ოცნების ხელისუფლებაში და ჩვენ ეს პრობლემა არ გვქონია. რაც შეეხება კეზერაშვილთან დაკავშირებულ განცხადებებს – 2016 წელი იყო, ჩემი დამოკიდებულებები მქონდა, მათ შორის ევროპულ საქართველოსთან დაკავშირებით, რომელზე ჩემი აზრი არ შეცვლილა და მესამე – 2016 წლის მერე იყო ევროპული სასამართლოს მიერ გამოტანილი გადაწყვეტილება, 2016 წლის მერე იყო დავით კეზერაშვილზე რეზოლუციები, ამერიკის ანგარიში ოპოზიციური ლიდერების დევნის შესახებ და მე ყოველ დღე ვუყურებ რუსულ პროპაგანდისტულ არხებზე თავდასხმებს კეზერაშვილზე, ხაბეიშვილზე…
ინგა გრიგოლია:
-რა გამოდის? მაშინ ცილი დასწამეთ დავით კეზერაშვილს?
ლევან ხაბეიშვილი:
-კი, ბატონო, ვლაპარაკობდი მის მილიონებზე, რომელიც შესაძლოა, ყოფილიყო მოპარული. თუმცა, ეს იყო ჩემი განცხადება და ჩემი აზრი. ამის შემდეგ იყო ევროული სასამართლოს გადაწყვეტილება. დრო გავიდა. მე კობახიძეს ხომ არ წარმოვადგენ რომ ვთქვა, ამერიკის ანგარიში ფეხებზე მკიდია, არად ჩავაგდებო? ევროპული სასამართლოები არ მაინტერესებსო. მე ნაციონალურ მოძრაობას წარმოვადგენ.
ინგა გრიგოლია:
-თქვენ მას უყენებდით მძიმე ბრალდებას და აღარ გაქვთ ეჭვები, რომ კეზერაშვილთან მიმართებაში, შეიძლება იგივე კითხვები არსებობდეს?
ლევან ხაბეიშვილი:
-პირდაპირ გპასუხობთ, ეჭვი კი არა, დადასტურებული ფაქტია, რუსი ოლიგარქები, კობახიძეებით და ზარქუებით ებრძვიან დავით კეზერაშვილს. მე ამას ვხედავ.
ინგა გრიგოლია:
-ბრალდებას როგორ უყენებდით, თუ ხელში არაფერი გეჭირათ? არ მოსულა ეგეთი რამეები. თუკი საბუთი არ გიჭირავს ხელში, ვიღაცას დააბრალო, რომ ის არის კორუფციაში გარეული, ან საზოგადოებას ატყუებს. ხომ გსურთ საზოგადოებამ მოგცეთ ხმა? მითხარით როდის იყავით მართალი და აღმოჩნდა, თუ არა, რომ დასაბუთების გარეშე ცილს სწამებდით დავით კეზერაშვილს.
ლევან ხაბეიშვილი:
-შეუძლია მიჩივლოს დავით კეზერაშვილმა…
ინგა გრიგოლია:
-თქვენი ამომრჩეველი ნახავდა ამ ვიდეოს სოციალურ ქსელში, იფიქრებს, როგორ ასეთი ტიპის ბრალდებას უყენებდა და დღეს ამბობს, რომ მისი პარტნიორია?
ლევან ხაბეიშვილი:
-2016 წელი იყო, მას მერე გასულია 6 წელი. გიგა ბოკერიასთან და ჩერგოლეიშვილთან დაკავშირებით იყო ეს (განცხადება), ვთვლიდი, რომ გიგა ბოკერია სააკაშვილს ნაციონალურ მოძრაობას ართმევდა და შემდეგ მოხდა ისე, რომ გაიყო, ზუსტად ასე მოხდა და ამასობაში მქონდა ეს ბრალდება კეზერაშვილთან…
ინგა გრიგოლია:
-თვლიდით, რომ გუნდს უყოფდა გიგა ბოკერია სააკაშვილს და ამიტომ დააბრალეთ კეზერაშვილს მილიონები მოიპარაო? ლოგიკა სადაა? იგივე თქვას შეუძლია ნებისმიერმა ადამიანმა, ახლა მე რომ ვიყო ბოკერია, შემიძლია მე გკითხო, ის რამდენად იზამს არ მგონია, ასე მოგიბრუნოთ, უცნაური პრინციპების კაცია, ბოლომდე დგას თავის პრინციპებზე… გამოვიდეს შეუძლია ნებისმიერ ადამიანს და გითხრათ, ლევან ეგრე არ არის.
ლევან ხაბეიშვილი:
-რაც შეეხება კეზერაშვილთან დაკავშირებით. 2016 წელს მერე ბევრი რამ შეიცვალა საქართველოში პროკურატურასთან, სასამართლოსთან დაკავშირებით, კეთდებოდა საჯარო განცხადებები პარტნიორების მიერ, რომ პოლიტიზირებულია პროკურატურა, რომ ოლიგარქიული მმართველობაა. ღიად ამაზე საუბარი დაიწყო 2020 წლის მერე. სასამართლოში რომ პრობლემებია ამაზე ღიად საუბარი დაიწყო რუსთავი2 რომ ჩაიდო ბიძინა ივანიშვილმა, ამის შემდეგ. ამ 6 წლის განმავლობაში ბევრი რამე შეიცვალა.
ინგა გრიგოლია:
-რა? კაცს ბრალს სდებდით ლევან. თქვენი ამომრჩეველი ამ ვიდეოს რომ ნახავს, ხომ იტყვის, მე რომ წავიდე და ხვალ ლევან ხაბეიშვილს მივცე ხმა, ეს ის კაცი არაა, 6 წლის წინ ამას აბრალებდა კეზერაშვილს და ახლა ამბობს, არა, საამართლომ გაამართლა უცხოურმა და…
ლევან ხაბეიშვილი:
-კი, არგუმენტი არ არის?
ინგა გრიგოლია:
-იმიტომ რომ თქვენ არ მოგწონდათ ევროპული საქართველო, რომლის პარტნიორიც მაშინ კეზერაშვილი იყო, თქვენ ადექით და მას დააბრალეთ ფულის მოპარვა?
ლევან ხაბეიშვილი:
-2016 წლის შემდეგ, ევროპული სასამართლოს გადაწყვეტილება, ამერიკის ანგარიში შეიძლება ჩემთვის საბუთი არ იყოს?
ინგა გრიგოლია:
-ანუ თქვენ მაშინ საბუთი არ გეჭირათ? თუკი ის სასამართლო გადაწვეტილებებია ახლა მთავარი არგუმენტი, გამოდის, არ იცოდით ზუსტად და ისე აბრალებდით, იმიტომ რომ არ მოგწონდათ, ევროპული საქართველო რომ გამოეყო ნაციონალურ მოძრაობას?
ლევან ხაბეიშვილი:
-ეს ვიდეო იყო რამე კვლევის შედეგი, თუ პოლიტიკური განცხადება?
ინგა გრიგოლია:
-არა, ლევან, პოლიტიკური განცხადება რას ქვია, მე რომ მომიბრუნდეთ და დამაბრალოთ, რომ ბავშვებს ვჭამ და წლების მერე თქვათ, არა, ეს ისე ვთქვი.
ლევან ხაბეიშვილი:
-კარგი, რა, ქალბატონო ინგა. კიდევ ერთხელ გეუბნებით, ამის შემდეგ იყო ევროპული სასამართლოების გადაწყვეტილება, სადაც გამართლდა, ოღონდ, მე რომ კეზერაშვილზე ვსაუბრობდი, მაშინ არ ახსოვდა მთვარობას და ახსოვს დღეს.
ინგა გრიგოლია:
-იცი რატომ? იმიტომ რომ მტერი ჭირდება ახალი… მაშინ თქვენ შეგეშალათ? ტყუილად დააბრალეთ?
ლევან ხაბეიშვილი:
-მე გულწრფელად ასე ვფიქრობდი, როცა ვთქვი, საბუთი რომ მჭეროდა, ხომ ეთერშიც მექნებოდა, ეს ჩემი პოლიტიკური განცხადება იყო.
ინგა გრიგოლია:
-ასეთი ბრალდება? პოლიტიკური განცხადება შეიძლება იყოს, მე არ მომწონს კობახიძის განცხადება, მაგის უკან ეს დგას, მაგრამ კორუფციაში დაადანაშაულო ადამიანი, რა ვიცი.. არ მომწონს მე ეგეთი განცხადებები.
ლევან ხაბეიშვილი:
-2016 წელს, ვთქვი რატომაც ვამბობდი, ახლაც ამ წარმოდგენის ვარ, იმ პარტიამ, ევროპული საქართველო, რაც გააკეთა, არ იყო კარგი, როცა მანდატები აიღეს და წავიდნენ, ეს არ იყო კარგი. ჩემ წინააღმდეგ რომ ერთი არგუმენტი აქვთ, ჩემი 2016 წლის განცხადება, რომლსაც მოჰყვა ამერიკის სახელმწიფო დეპარტამენტის დასკვნა, მგონი კარგად არ გამოიყურებიან.
კომენტარები