ყოფილი პარლამენტარი, ეროვნული ბანკის ყოფილი პრეზიდენტი, რომან გოცირიძე:
ტრამპი ირანის ბირთვული იარაღისგან განიარაღებას ცდილობდა და ხელში ახალი სახეობის ატომური ბომბი ჩაუგდო-ორმუზის ბომბი. ირანმა დაინახა, რომ მას მსოფლიოს შანტაჟი შეუძლია, რადგან მისი განბლოკვის ძალა ამერიკასაც კი არ გააჩნია. ძნელი წარმოსადგენია, რომ მომავალში ირანში იმ მასშტაბის სამხედრო ოპერაცია განხორციელდეს, როგორიც ამერიკამ და ისრაელმა მოაწყვეს.
ასე დასრულდა ტრამპის ირანული კამპანია, რომელიც, ფაქტობრივად, კაპიტულანტური ხელშეკრულებით დამთავრდა და რომელსაც ტრამპმა ოფიციალურად დღეს მოაწერა ხელი.როგორ განვითარდება მოვლენები, ჯერაც ნათელი არ არის. ტრამპი ისეთ რაღაცებს შეჰპირდა, რომელთა შესრულებასაც ვერ შეძლებს; ირანი კი ისეთ რაღაცებზე დათანხმდა, რომლებზეც საბოლოოდ არ წავა. ორმუზის სრუტე კვლავ არაერთხელ გახდება „ჩაიკეტა-გაიხსნას“ თემის საგანი.რატომ შეიძლება ასე მოხდეს? იმიტომ, რომ ამერიკის სამხედრო ძალამ მეტის გაკეთება ვერ შეძლო. მან იმაზე მეტიც კი გააკეთა, რაც მოკავშირეებისგან სამხედრო იზოლაციაში მყოფ სახელმწიფოს შეეძლო. უფრო მეტის მიღწევა დიდ მსხვერპლთან იყო დაკავშირებული, რაც ტრამპის მმართველობის პირობებებშიც კი შეუძლებელი აღმოჩნდა.გარდა ორმუზის ბომბისა, ირანმა მიიღო გაყინული მილიარდების დაბრუნების გარანტია, ნავთობით თავისუფალი ვაჭრობის უფლება, სხვა სანქციების ეტაპობრივი მოხსნა და ამერიკის მიერ ირანში 300 მილიარდი დოლარის ინვესტიციის განხორციელების დაპირება. ეს შენიღბული ფორმის რეპარაციაა, ანუ ომით მიყენებული ზიანის ანაზღაურება. იგულისხმება თუ არა სანქციების შერბილებაში საერთაშორისო ანგარიშსწორების სისტემაში, “სვიფტში” დაბრუნებაც, ამას ორი თვის შემდეგ გავიგებთ, როდესაც საბოლოო, დეტალური ხელშეკრულება გაფორმდება.
რაც შეეხება ირანში ხელისუფლების შეცვლას, რომელსაც ბევრი მოელოდა (თუმცა ეს ამერიკის გაცხადებული მიზანი არ ყოფილა), იგი მართლაც შეიცვალა-ირანი ხელში ფანატიკოსმა სამხედროებმა, ერთგვარმა „თალიბანმა“, ჩაიგდეს.
კომენტარები