“ტყუილია, რომ სახელმწიფო რამეს აფინანსებს.სოფელმა აუგროვა ფული და აპარატი იმით ვუყიდეთ” – დიუშენით დაავადებული ბავშვის დედა

დიუშენის კუნთოვანი დისტროფიით დაავადებული ბავშვის მშობელი  ხელისუფლებას სიცრუეში ამხელს და “პირველებთან” საუბარში იმ მძიმე ეკონომიკურ მდგომარეობაზე და იმ საჭიროებებზე საუბრობს, რომელიც მისი შვილის მკურნალობის გზაზე გადის.

“ეს აქსესუარი არ არის, ეს არის სამედიცინო დანიშნულების ნივთები, რომელიც სწირდება სიცოცხლისთვის ადამიანს, მარტო დიმას კი არა, ყველას, ვინც აპარატზეა. ეს სამედიცინო ნივთები გამოიყენება ყოველდღიურად. დღეში შეიძლება 5-ჯერ, 220-ჯერ გაუკეთო სანაცია ბავშვს და ეს ყველაფერი ხომ არის თანხებთან დაკავშირებული? ანუ ერთ სანაციის ჩხირს ვერ გამოიყენებ მეორედ. ხელთათამნს ერთხელ ნახმარს ვერ გამოიყენებ მეორედ. იმდენად ეკონომოური კრიზისი გვაქვს ხოლმე ხშირად, რომ სანაციის ხელთათმანს მხოლოდ ერთ ხელზე ვიკეთებ, რომლითაც ჩავდივარ და ვუკეთებ სანაციას. ჩემი შვილი, დიმას და, მუშაობს სუპერმარკეტში მოლარედ”, – ამბობს ქალი. 

მისი თქმით, სახელმწიფომ საჭირო აპარატურის შესაძენად თანხა არ დაუფინანსა. და  თანხა სოფლის მოსახლეობამ შეუგროვა.

“დიმას აპარატის გაფუჭების შემთხვევაში, რომ არ დაგვიფინანსა სახელმწიფომ, ისევ სოფელი დაეხმარა დიმას, სოფელმა აუგროვა ფული და იმით ვუყიდეთ ეს აპარატი. პირუტყვი გვყავდა ოჯახი, ის გავყიდეთ, ნაკვეთები გავყიდეთ. ეს არის სიცრუე, რომ აფინანსებენ ყველაფერს. აპარატი,რ ომელიც სასიცოცხლოდ სჭირდება ადამიან, მხოლოდ ერთი გვაქვს სახლში და გაფუჭების შემთხვევაში, ფაქტობრივად, ხელებში უნდა ჩამაკვდეს ბავშვი თუ ეს აპარატი გაფუჭდა. იყო შემთხვევა, როცა რაღაც დაუზიანდა აპარატს, სახლში მოვიყვანეთ ხელოსანი, გადავიხადეთ 1500 ლარი და სანამ აპარატს შეაკეთებდა ეს ბიჭი, ხელოსანი, იყო გამორთულ მდგომარეობაში, მე ხელით ამ ბურთით ვასუნთქებდი ბავშვს ერთი საათის განმავლობაში.

დიმას სოციალურიც მოუხსნეს და ჯანდაცვის სამინისტროში რომ მივიდა თამარი, თავისი და გასარკვევად, პასუხი იყო ასეთი: თუ ერთი უნარეზღუდული კიდევ დაგემატებათ ოჯახში, მაგ შემთხვევაში მოგეცემათ სოციალური დახმარებაო, თუ არადა – არაო, – ამბობს მშობელი. 

შეგახსენებთ, რომ „დაიცავი ილიაუნის“ საქველმოქმედო ლაივ-მარათონში, დიუშენის კუნთოვანი დისტროფიის მქონე ბავშვების მხარდასაჭერად, უკვე 1 500 000 ლარზე მეტი შეგროვდა. ინიციატივას ათეულობით კომპანია, გამომცემლობა, უნივერსიტეტი და კლინიკა შეუერთდა.

ამ ფონზე, სამთავრობო ექსპერტები ამტკიცებენ, რომ დიუშენის სინდრომის მქონე ბავშვებისთვის საჭირო ინვენტარებს სახელმწიფო “ისედაც აფინანსებდა”.  მშობლების შეფასებით, ახლა მიმდინარეობს კამპანია, რომლის მიზანიც საზოგადოების დარწმუნებაა, თითქოს დიუშენის სინდრომის მქონე ბავშვებს დამატებითი დახმარება და ძვირადღირებული მკურნალობა რეალურად არ სჭირდებათ.