“ტიპებს ეხამუშათ პუტინის გინება და “ბასიაკი” ქალების წივილკივილი ცხვირის მოტეხვით უნდა დასჯილიყოო, გაჰკივიან” – გვარამია

ოპოზიციური ალიანსის ერთ-ერთი ლიდერი, ნიკა გვარამია:

გაბუნიამ რომ საქართველოს დამაქცევარ პუტინს აგინა, 5 წუთის თავზე გაბუნიას საჯარო დაგმობის კამპანიაში რომ ჩაერთნენ, ზუსტად იგივე ხალხი (მათ შორის, ზოგიერთი რუსთავი 2ის მაშინდელი თანამშრომელი) როგორ ახერხებს, რომ ახლა იმას იძახის, ცხვირი კი არა ლამის ხერხემალში უნდა გადაემტვრია ის ქალიო.

ანუ, ტიპებს ეხამუშათ კაცობრიობის მტერი პუტინის გინება (რაც სხვათა შორის, დანაშაული კი არა, არაფრის დარღვევა არ არის – სიტყვის თავისუფლების ჩარჩოშია), და ახლა ვიღაც ბასიაკი ქალების წივილკივილი ცხვირის მოტეხვით უნდა დასჯილიყოო, გაჰკივიან.

გაბუნია მთელი სიმკაცრით დაისაჯოსო, ითხოვდნენ, და ახლა კაცის კისერზე ნაკაწრებს ითვლიან და ფოტოებს აქვეყნებენ, ნახეთ რა უქნა იმ ახვარმა რუსის ქალმა, როგორ დააზიანა და “ტკივილი განაცდევინაო”.

ფუი ასეთ პრიორიტეტებს, ფუი ასეთ თანმიმდევრულობას, ფუი ასეთ ურაპატრიოტიზმს, ფუი ასეთ ქვეშა@@@ობას და ფუი ასეთ პოზიორ და ყალბ ადამიანებს!

ps ის ქალები რომ უნდა დაეპატიმრებინათ და ქვეყნიდან დაედეპორტებინათ, მაგაში ორი აზრი არაა.