“ლელოს” წევრი, ირაკლი კუპრაძე აქციას აანონსებს და წერს:
“მოდით ხვალ სოლიდარობის აქციაზე. ჩვენ ყველას გვაქვს პასუხისმგებლობა არსებულ ტრაგედიებზე, რაც ჩვენ გარშემო ხდება. გაუზიარეთ თქვენს მეგობრებს და მოიწვიეთ ისინი!
“წლებია სანატორიუმ “ქართლში” მცხოვრები დევნილები ითხოვენ ავარიული კორპუსიდან განსხალებას, რასაც მრავალი დაპირება და გადაგდება მოჰყვა. დღეს, 16 იანვარს 52 წლის დევნილმა კაცმა სიცოცხლე თვითმკვლელობით დაასრულა, რა დროსაც კორპუსთან შეკრებილ დევნილებს მხოლოდ ერთი ფრაზა უთხრა: “იქნებ ჩემი სიკვდილის შემდეგ მოგაქციონ ყურადღება, ეს თქვენთვის!”.
შეუძლებელია მსგავსი დანაშაულებრივი ტრაგედიების შემდეგ მშვიდად გრძელდებოდეს ჩვენი ცხოვრება.
გელოდებით, ყველა მოქალაქეს, ყოველგვარი განსხვავებების, ატრიბუტიკის და იარლიყების გარეშე, როგორც რიგით მოქალაქეებს.
იმისთვის, რომ ეს ტრაგედია არ დარჩეს რიგით ტრაგედიად, ყველამ უნდა ავიღოთ პასუხისმგებლობა სიჩუმეზე და უსამართლობაზე, რაც ჩვენ გარშემო ხდება.
გელოდებით ჯანდაცვის სამინისტროსთან (დიდუბის მეტრო), 17 იანვარს, 19:00 საათზე”
კომენტარები