„საქართველოს სათხილამურო ფედერაციის“ ფედერაციის პრეზიდენტმა ზურაბ კოსტავამ bm.ge-თან, განაცხადა:
„გათოვლიანებას რაც შეეხება, მთელ მსოფლიოში პრობლემაა, აღარ მოდის იმ რაოდენობის თოვლი, როგორც ადრე იყო, წინა საუკუნეში. ბოლო 20 წელია საერთაშორისო ფედერაციის ინსტრუქციაში წერია, რომ ყველა შეჯიბრი ტარდება ხელოვნურ თოვლზე.
თუ თოვლი არ მოვიდა ბაკურიანში, 28 დეკემბრიდან დავიწყებთ ხელოვნურ გათოვლიანებას, ხოლო თუ თოვლი მოვიდა და მინიმუმ ნახევარი მეტრის საფარი გვექნება, ეს ძალიან წაგვადგება, რადგან ეს ხელს უწყობს მერე თოვლის შენახვას. ინფრასტრუქტურა თითქმის მთლიანად მორჩენილია, დარჩენილია მხოლოდ ე.წ. კოსმეტიკური საკითხები“
შეგახსენებთ, წელს საქართველოში თავისუფალი სტილით სრიალში თხილამურითა და სნოუბორდით, ჩემპიონატი გაიმართება. უკვე დარეგისტრირებულია 42 ქვეყანა და 1400-მდე სპორტსმენი. ჩემპიონატზე არ დაიშვებიან რუსეთი და ბელორუსი.
ჩემპიონატში, სავარაუდოდ 6 ქართველი სპორტსმენი მიიღებს მონაწილეობას.
კომენტარები