“თქვენ რა იცით მე დილიდან რას ვხედავდით? ვინც მიიღეთ დაზიანებები სულ ყველას მოგხედავთ” – პოლიციის მაღალჩინოსანი საგარეჯოზე

კახეთის პოლიციის დეპარტამენტის დირექტორი, თეიმურაზ კალანდაძე ამტკიცებს, რომ საგარეჯოში, სადაც დაპირისპირებაა, პოლიცია შეტყობინების მიღებიდან 3 წუთში მივიდა. მისივე თქმით, სიტუაცია მათ გაანეიტრალეს.

“შეტყობინების შემოსვლიდან 3 წუთში ვიყავით შემთხვევის ადგილზე. თქვენ რა იცით მე დილიდან რას ვხედავდით, შეტყობინება რომ შემოვიდა პოლიციის თანამშრომლები, ხომ ხედავთ პოლიციის თანამშრომლებს?! სამ წუთში გამოცხადდნენ შემთხვევის ადგილზე, გაანეიტრალეს სიტუაცია. ვინც მიიღეთ დაზიანებები სულ ყველას აუცილებლად მოგხედავთ, გამოძიებას დავიწყებთ. შეტყობინების შემოსვლიდან 3 წუთში გამოვცხადდით შემთხვევის ადგილზე და გავანეიტრალეთ სიტუაცია”, – ამბობს თემურ კალანდაძე.

ადგილზე ამ წუთებში ენმ-ის თავმჯდომარე, ლევან ხაბეიშვილი ცდილობს შეხვედრა დაიწყოს.

(ვიდეო) – “სუს-ის “ნასედკები” და საჯარო მოხელეები პენსიონერებს ესვრიან ქვებს” – რა მოხდა საგარეჯოში