ჟურნალისტი, გამოცემა თაიმერის დამფუძნებელი, ბერდია კალანდია:
საბოლოო და მკაფიო განმარტება ტროლ-ბოტებისთვის! მოდით, ვიყოთ გულახდილები და ვაღიაროთ – ამ ქვეყნის მთავარი კი არა, უმთავრესი მტერი რუსეთი, სიღარიბე, ან შიმშილობა კი არა – გაუნათლებლობაა! დიახ, გაუნათლებლობა ღუპავს ჩვენს ერს! რატომ?! იმიტომ, რომ გაუნათლებელ ადამიანებს ათას სისულელეს აჯერებენ და თან აქეზებენ, მიდით, ამ თემაზე იყვირეთო.
დიახ, სწორედ გაუნათლებლობის შედეგია, ზოგიერთების დარწმუნება რომ შესძლეს, თითქოს, დასავლეთი ქართველობას გვართმევდეს. განათლება სათანადო დონეზე რომ იყოს, ყველას ეცოდინებოდა, რომ ქართველობა ნივთი არ არის, ვინემ რომ წაგართვას!
მსგავსი შინაარსის შესავალის გაკეთება აუცილებელი მხოლოდ იმიტომ გახდა, რომ წალენჯიხობაზე მომხდარი ინცინდენტი, კიდევ ერთხელ, გახდა განხილვის საგანი. როდესაც „ალტ ინფოს“ წევრები და სახელწიფო სსიპ-ებისა, თუ ააიპ-ების თანაშრომლების გარკვეული ჯგუფები, ღონისძიების ჩაშლას ცდილობდნენ და 16-ფეროვან ქოლგებს დაერივნენ: “აი, ლგბტ „ზონდიკებს“ ჩვენთან არ გავაჭაჭანებთო!”
ისიც საკითხავია, ეს ბნელი საზოგადოება ფერებს ებრძოდა, თუ ქოლგებს, ანუ მათ ენაზე „ზონდიკებს“. ყოველ შემთხვევაში, თუ ქუჩაში გამოვარდნილი “ვაჟკაცების” ქმედებებით ვიმსჯელებთ, ცხადია, მათ, ნამდვილად არ იცოდნენ, რას აპრტესტებდნენ, თორემ, რომ სცოდნოდათ, მაშინ ხმასაც არ ამოიღებდნენ, რადგან ისიც ეცოდინებოდათ, რომ არსებობს ასეთი ინტერნეტ ბიბლიოთეკა – “ვიკიპედია”, სადაც ყველასა და ყველაფერზეა ინფრმაცია. ჰოდა, ამ „ვიკიპედიაშიც“ სრული ინფორმაციაა განთავსებული, ლგბტ, ანუ ცისარტყელას დროშაზე, რომელსაც 6 ფერი აქვს. წალენჯიხაში, წალენჯიხობაზე კი 16 ფერიანი ქოლგები იყო წარმოდგენილი, სადაც ისეთი ფერები დომინირებდა, რომელთაც ეწ. “ცისარტყელას დროშის” შინაარსთან საერთო არაფრი აქვს, გარდა ფერებისა.
სხვათა შორის, თავიდანვე გაჩნდა განცდა, რომ „ალტ ინფოს“ წევრები და ააიპ-ებისა, თუ სსიპ-ების თანამშრომლები ქუჩაში სხვა მიზნით გამოიყვანეს, ანუ ქოლგები, უბრალოდ, მიზეზი იყო, სინამდვილეში კი, მავანთ, წალენჯიხობის ჩაშლა სურდათ, რადგან მერე ეთქვათ: “აი, მერი, რომელიც ცენტრალური ხელისუფლების ოპოზიციაა, საქმეს ვერ აკეთებს და თავს ვერაფერს ართმევსო”. ამ კუთხით, “კოვზი ნაცარში რომ ჩაუვარდათ”, ტროლ-ბოტების “შემოტევა” ნაცნობი ნარატივით დაიწყო: “ლგბტ დროშას მფარველობით ქართველობას გვართმევთო”.
ამიტომაც, ნათლად და საბოლოოდ განვმარტავთ: ლგბტ სიმბოლიკა არის მკაცრად რეგლამენტირებული თანმიმდევრობით მხოლოდ 6 ფეროვანი გამა (დროშა). სხვა ყველა დანარჩენი არის ფერთა დიზაინი, გამა-ბოთლი იქნება, ქოლგა თუ ქუდი! წალენხჯიხობზე გამოფენილი ქოლგები კი 16 ფერში იყო! ასე რომ, მორჩით ამ უვიცობის ტირაჟირებას და იაფფასიანი სცენარებით პროვოკციების მოწყობას! ზოგადად კი, იმაში ცუდი არაფერია, რომ დედამიწაზე და ჩვენს ქვეყანაშიც, მუქ ფერებს, ხალისიანი ფერები სჭარბობდეს, მაგრამ აქაც ისევ განათლებასთან მივდივართ: ზოგი, ფერებსაც ვერ სცნობს და მათ, ვიღაც არწმუნებს, წითელი, ლურჯი, ყვითელი, მწვანე, თუ ოქროსფერი ლგბტ ფერებიაო.
სიმბოლიკას სჭირდება წაკითხვა, წაკითხვას – ცოდნა: ფერთა ვარიაციებში, თუ ზუსტად განსაზღვრული კომბინაცია არ იკითხება, საიდან დაასკვენით, რომ ქოლგა სიმბოლიკის იდენტურია?! ნუთუ, მართლა არ გეცინებათ თქვენსავე იდიოტიზმზე?! სერიოზული სახით განათლებულებო, ცისარტყელასთან ზურგით დგებით, თუ ორლულიანს ესვრით, თუ ქოლგა უნდა იყოს შავი და ბოთლი მუქი მწვანე?! ჰამასია?!
საქმე იმაშია, რომ ვიღაც, ძალიან შეეცადა საბაბის პოვნას ჩაეშალა ამდენი ხნის ნამუშევარი ღონისძიება – წალენჯიხობა-ტერენტობა. გავრცელდა (შეგნებული) დეზინფორმაცია – განრისხდა “სუს/სარგებლო იდიოტობა”და ადამიანებმა, გააზრეულად, თუ გაუაზრებლად დაიჯერეს, მართლა დაიჯერეს, რომ შემოდგომის 16 ფერიანი ქოლგა, წარმოადგენდა გარკვეულ სიმბოლიკას და, შესაბამისად, საშიშროებას. ჯერ ერთი, საშიშროებას სიმბოლიკა კი არა, შინაგანი ზღუდეების არქონა ქმნის, მეორე – საკუთარი რაიონისთვის მიძღვნილი ულამაზესი დღის ასე ინტრიგნულად ჩაშლა, რომელ პატრიოტიზმში წერია?! თქვენ მართლა ხომ არ გაწვიმთ?! თუ, გაწვიმთ, ის ქოლგები მაინც დაიფარეთ (16-ვე ფერია), რომელიც (იმ დღეს) ამწეკრანით “საგმირო საქმის” დემონსტრირების ნიშნად ჩამოხსენით!
არ იყო, ბატონებო, ის ქოლგები ლგბტ სიმბოლიკის შინაარსის და არც არატრადიციული ორიენტაციის ადამიანების პატივსაცემად არ გამართულა წალენჯიხობა, საშემოდგომო ფერების კომბინაციით შერჩეული ქოლგები გახლდათ, რომელიც მუნიციპალიტეტში სადღესასწაულო ღონისძიების დეკორაცია იყო, ღონისძიების, რომელიც უმაღლეს დონეზე ჩატარდა.
ამიტომ, თუ გვინდა, რომ ქვეყანა ქვეყანს დაემსგავსოს, განათლების პოლიტიკის შეცვლაზე უნდა ვიფიქროთ, რათა მეტად განვითარებული და ჯანსაღად მოაზროვნე საზოგადოება მივიღოთ. წალენჯიხელი პროვოკატორები კი, იმედია, ამ წერილს კარგად გაიაზრებენ და მათი საუბრები ადეკვატური გახდება!
??????
კომენტარები