“თბილისელი სომეხი ბიჭი ვარ. როცა ხელისუფლებას ვაკრიტიკებ ეგრევე ერევანში მიშვებენ, ან სულაც სადმე სხვაგან, შორს” – არტურ მარტიროსიანი

არტურ მარტიროსიანი, სოციალურ ქსელში, წერს:

ღირებულებები
თბილისელი სომეხი ბიჭი ვარ, მეც აქ დავიბადე, დიდი ბაბუაც და მისი დიდი ბაბუებიც , პატიოსნად და ღირსეულად ვცხოვრობდით და ვაშენებდით საქართველოს, ღირსეული მოქალაქენი ვიყავით და ვართ კიდევაც, მაგრამ როდესაც დრო დგება იმის რომ ქვეყნის ბედზე ვსაუბრობ, მაღელვებს, ვაკრიტიკებ ამა თუ იმ ხელისუფლებას და ვითხოვ უკეთეს პირობებს ცხოვრების და მოღვაწეობის, მანდ ეგრევე ჩნდებიან ადამიანები რომლებიც ან ეგრევე ერევანში მიშვებენ ან სულაც სადმე სხვაგან შორს (შენი საქმე არაა რა იქნება საქართველოში).

მე არ დავიწყებ ჩემი და ჩემი ოჯახის-გვარის რეგალიების ჩამოთვლას თუ რა გაგვიკეთებია სასარგებლო საქართველოსთვის იმ ადამიანებისგან განსხვავებით ვინც მაკრიტიკებს, უბრალოდ ვიტყვი იმას რომ ამიტომაც ევროპა და აშშ არის იქ სადაც არის და საქართველო ასეთ ჭაობში,

ჭაობი ხოლმე უჩინარია, სანამ ყელამდე არ დაიწყებ დახრჩობას მანამდე ვერ მიხვდები, თვალს რომ გაახელ უკვე ძალიან გვიანი იქნება.

აუ, ბევრი რამის დაწერა მინდა მაგრამ წერით არა, ცოტა სხვანაირად და სხვაგვარად მინდა გადმოგცეთ გულისტკივილი

არაქართველი რომელსაც საქართველო უყვარს და ადარდებს: არტურ მარტიროსიანი