საქართველოს თავდაცვის მინისტრი, რომელიც ოფიციალური ვიზიტით გერმანიაში იმყოფება და რამშტაინის საჰაერო ბაზაზე უკრაინის საკონტაქტო ჯგუფის შეხვედრას ესწრება, საგარეჯოში მომხდარ ტრაგედიას გამოეხმაურა.
ჯუანშერ ბურჭულაძემ დაღუპულთა ოჯახებს მიუსამძიმრა. მისი თქმით, გამოძიება დაადგენს, თუ რა იყო საგარეჯოში მომხდარი საზარელი მკვლელობის გამომწვევი მიზეზი.
„მინდა, საგარეჯოში დაღუპულების ოჯახებს მივუსამძიმრო. გამოძიება დაადგენს, თუ რა იყო მომხდარი საზარელი მკვლელობის გამომწვევი მიზეზი. მინდა, კიდევ ერთხელ მივუსამძიმრო ყველა დაღუპულის ოჯახის წევრებს და ასევე, დაშავებულებს ჯანმრთელობა ვუსურვო“, – განაცხადა ჯუანშერ ბურჭულაძემ.
შეგახსენებთ, თავდამსხმელი ყოფილი სამხედრო იყო, შს მინისტრის ინფორმაციით, იგი 2016–2021 წლებში მსახურობდა და ავღანეთში იყო მისიით. კითხვას, რატომ დატოვა მან თავდაცვის რიგები, შს მინისტრმა არ უპასუხა და თქვა, რომ ამ ეტაპზე ეს ოპერატიული ინფორმაცია აქვს, შესაბამისად, ამ კითხვაზე პასუხს საზოგადოება თავდაცვის სამინისტროსგან ელოდება.
კომენტარები