სუს-ში სულ სხვა კოდი თქვეს… თუ გამხსნელად ტრიქროლეთილენი გამოიყენეს, ეს ამძიმებს ყველაფერს – ზურა სიხარულიძე

ექიმი ნარკოლოგი, ზურაბ სიხარულიძე ამბობს, რომ სუს-ში ჩატარებულმა ბრიფინგმა საერთოდ ბუნდოვანი გახადა ყველაფერი და უფრო მეტი კითხვის ნიშანი გააჩინა გამხსნელთან დაკავშირებით.

ექიმის განცხადებით, მამუკა მდინარაძის უწყებაში არასწორად იქნა დასახელებული კოდები, რადან მისი თქმით, სუს-ის მიერ დასახელებულ გამხსნელს “პოლიგლიკოლს” UN (ტოქსიურობის) კოდი საერთოდ არ აქვს, რაც შეეხება ტრიქროლეთილენს, სიხარულიძე ამბობს, ის არის მძიმე ორგანული გამხსნელი, რომელიც იწვევს როგორც ნევროლოგიურ, გეპატოტოქსიურ, ასევე თირკმლის დაზიანებას.

 ტრიქროლეთილენის არსებობა არსენალში ამძიმებს ყველაფერს – ამბობს ზურა სიხარულიძე და სუს-ისგან ითხოვს დაკონკრეტებას, რომელი გამხსნელი იყო გამოყენებული.

ტრიქროლეთილენი არ იყო გამოყენებული. ამიტომ არის საჭირო საერთაშორისო გამოძიება – აცხადებს ექიმი “ტვ პირველის” პრიდაპირ ეთერში.

“ბრიფინგმა საერთოდ ბუნდოვანი გახადა რა ხდება საერთოდ. სხვა კოდი თქვეს საერთოდ.  იმდენი კითვა გაჩნდა აქ. რა შემოტანა, ვინ შემოიტანა. UN კოდი ნიშნავს ტოქსიურობა, გამხსენლს ტოქსიურობა არ აქვს. მნიშვნელოვანია გაეცეს პასუხი კითხვას ავერსმა SC შემოიტანა თუ ტრიქროლეთილენი შემოიტანა? ვერ ვხდები.

2024 წელს, როდესაც გამოიყენეს ნეივთირებები, ჩვენ სულ არ გვქონდა წარმოდგენა რო ან გამხსენლს იყენებდნენ ან რაიმე აკრძალულ ნივთიერებას და მაშინაც მეც და ბევრი ექიმი ამბობდა, რომ ის მეთოდები, რითაც იყო გამოყენებული თუნდაც დაშვებული ინფრომაცია, უკვე იყო დანაშაული, რადგან უკვე იყო გარეული წყლის ჭავლში. 

მნიშვნელობა არ აქვს რა ნივთიერებები იყო გამოყენებული, იყო არასწორად გამოყენებული. იყო ადამიანის უფლებების დარღვევა.

ტრიქროლეთილენის არსებობა არსენალში ამძიმებს ყველაფერს, რადგან თუ ტრიქროლეთილენი იყო გამოყენებული გამხსნელად, ეს საერთოდ ცვლის სიტუაციას, იმიტომ რომ მისი გამოყენება თუნდაც SC-თან ძალიან საშიშია, რადგან ტრიქროლეთილენი არის ორგანული გამხსნელი, საკმაოდ მძიმე, რომელიც იწვევს როგორც ნევროლოგიურ, ასევე გეპატოტოქსიურ, ასევე თირკმლის დაზიანებას. 

ეს არის ახლა მთავარი, რომელი გამხსნელი იყო გამოყენებული, ვინ დაგვიდასტურებს, რომ  ტრიქროლეთილენი არ იყო გამოყენებული. ამიტომ არის საჭირო საერთაშორისო გამოძიება. 

ასევე ხომ აღიარეს ვურევდითო, რას ურევდნენ ტრიქროლეთილენს თუ პოლიგლიკოლს, რომელიც არ არის ტოქსიური ნამდვილად, მაგრამ კოდი არ აქვს. რომ თქვეს, რომ ეს გამხსნელი ამ კოდით შემოიტანეს, UN კოდი საერთოდ არ აქვს ამ ნივთიერებას. ის არ არის საერთაშორისო გადაზიდვების ქვეშ. ან ვინ შეიძინა, რატომ შეიძინა – ძალიან ბევრი კითხვაა”, – აცხადებს ექიმი.