“ქართული ოცნების” თავმჯდომარე, ირაკლი კობახიძე მიხეილ სააკაშვილისთვის სახალხო დამცველთან შექმნილ კონსილიუმზე საუბრისას, ამბობს:
“თქვენ გახსოვთ, რომ ომბუდსმენის მონაწილეობით შეიქმნა ჯგუფი, დიაგნოზიც კი ვერ გამოიტანეს მათ. რატომ, იმიტომ რომ არავითარი დიაგნოზი სინამდვილეში არ არსებობს, არავითარი ნიშანწყალი იმისა, რომ რაიმე განსაკუთრებული ჩარევა არის საჭირო, არ არსებობს და სწორედ ამიტომ ვერ დადეს დიაგნოზი ვერც ომბუდსმენის ჯგუფის წარმომადგენლებმა. შესაბამისად, არავითარი განსაკუთრებული საჭიროება არ არსებობდა.
მიხეილ სააკაშვილისთვის სასჯელის 1 წლით გადავადების საჭიროება, რომ არსებობდეს, ბუნებრივია ყველაფერზე შეიძლება მსჯელობა, მაგრამ ყველაფრიდან ჩანს, რომ ამის საჭიროება არ არსებობს, ექსპერტიზა კიდევ ერთხელ იტყვის თავის სათქმელს.”
კითხვაზე, რატომ გადაწყვიტა იუსტიციის სამინისტრომ მესამე პრეზიდენტისთვის ექსპერტიზის ჩატარება ახლა, როცა უცხოელი სპეციალისტები ჩაერთნენ საქმეში, კობახიძე ამბობს, რომ აქამდე საჭიროება არ იყო.
კომენტარები