იუსტიციის მინისტრის თქმით, მიხეილ სააკაშვილმა მე-18 დაწესებულებაში ციხის თანამშრომლებს ფიზიკური და სიტყვიერი შეურაცხყოფა მიაყენა.
„როდესაც მიხეილ სააკაშვილი იყო შესახლებული მე-18 დაწესებულებაში, მან მიაყენა როგორც ფიზიკური, ასევ სიტყვიერი შეურაცხყოფა ჩვენს თანამშრომლებს. ჩვენ ვსწავლობთ ამ საკითხს და ვერავის მივცემთ იმის უფლებას, რომ ჩვენს საამაყო თანამშრომლებს, რომლებიც 24 საათის განმავლობაში ამ ქვეყნის სამსახურში არიან და თვეების განმავლობაში საკუთარ ოჯახის წევრებსაც ვერ ნახულობენ, ვინმემ შეურაცხყოფა მიაყენოს“, – განაცხადა იუსტიციის მინისტრმა რატი ბრეგაძემ „ქრონიკის“ ეთერში ჩართვისას.
შეგახსენებთ, დღეს მიხეილ სააკაშვილი გლდანის ციხის საავადმყოფოში გადაიყვანეს, როდის მიაყენა სააკაშვილმა ფიზიკური შეურაცხყოფა, ანუ, როდის სცემა ციხის თანამშრომლები, როგორც რატი ბრეგაძე ამბობს, სანამ ცუდად გახდებოდა, თუ მანამდე? ამ დროს ხომ არ გახდა ცუდად, რომ “სცემა” ციხის თანამშრომლები? ციხის თანამშრომლებმაც სცემეს პასუხად, თუ არა, ამაზე რატი ბრეგაძე კომენტარს არ აკეთებს.
შეგახსენებთ, 2020 წლის 21 იანვარს, იუსტიციის მაშინდელმა მინისტრმა, თეა წულუკიანმა გაავრცელა ციხეში პატიმრების და ციხის თანამშრომლების დაპირისპირების 5 ჩანაწერი, მეხუთე ჩანაწერში კარგად ჩანს, როგორ უბრუნებს ხელს ციხის თანამშრომელი პატიმარს და როგორ ურტყამს თავში ხელს და ბატონო რატი, ამგვარი დაპირისპირება მოხდა მიხეილ სააკაშვილის შემთხვევაში? ანუ, ამდენი დღის შიმშილობის შემდეგ, იმ კაცმა, ორი დღის წინ რომ ვიდეო გაავრცელეთ და სამ კოვზს რომ ძლივს ჭამს, სცემა თქვენი თანამშრომლები? და მერე რა მოხდა?
კომენტარები