პოლიტიკური ფილოსოფიის დოქტორი, პროფესორი, არჩილ გამზარდია:
წლებია უკვე ყოველ წელს გაზი უნდა იყოს შემოყვანილი ჩემთან სოფელში და ახლაც რომ გაიარო, “ლაფატკიან” მომუშავესაც ვერ ნახავს კაცი, დღეს-ხვალით რამდენიმე სოფელი ვართ დარჩენილი გაზის გარეშე.
რამდენი ხანია დავათიდან გორანამდე 3-4 კილომეტრიანი გზის გაკეთებაზე დუშეთის მუნიციპალიტეტი არაფერს აკეთებს, არა და ეს გზა ქართლს და ერწოს აკავშირებს და ბევრისათვის ძალიან მნიშვნელოვანია.საქართველოს სოფლებში არაერთგან საკლასო ოთახები ჯერ კიდევ შეშით თუ თბება და მთაში, ჩემთან, სადაც ზამთარში ყინვა -15/20 გრადუსზეც ადის, მოსწავლეებს ფორმას აიძულებენ, თან რა მასალის, სოფლებში არაერთს 2-3 შვილი ჰყავს და მინიმუმ 600 ლარის ფორმა სჭირდება, არც ის იციან, საიდან მოიძიონ ფული.სურსათზე ისეთი ფასებია, ფორმები კი არა, ბევრმა რა აჭამოს შვილს, ის ვერ მოუგვარებია.ბენზინზე ფასები იწევს და იწევს მაღლა და ეს შესაბამისად, ყველაფრის ფასზე ისახება, მაღაზიაში არაფერში ტოვებ ათეულობით ლარს და თითქმის არაფრით გამოდის ადამიანი.სკოლებში სწავლა იწყება, შესაბამისად, ხარჯებიც იმატებს, სასკოლო ექსპერიმენტები კი კაცმა არ იცის, ჩვენს შვილებს კიდევ უფრო როგორ გაუმრუდებს მომავალს.კიდევ რამდენი პრობლემაა სათქმელი, სია ვერ დასრულდება, სამაგიეროდ გვყავს თვითკმაყოფილი ხელისუფლება, კაცმა რომ არ იცის რა ილუზიებით ცდილობენ ჩვენი გონების ზომბირებას და მათი მოწინააღმდეგეები, რომლებსაც ერთადერთი რაც ყველაზე კარგად გამოსდით, პოლიტიკური რეალითი შოუების დადგმა და პოლიტიკური კანიბალიზმია.
წინ კი მხოლოდ უარესის პირობა თუა, გამძაფრებული ძალაუფლება და მათთან “ბრძოლის” ტრაგიკომიკური პერფორმანსები.
კომენტარები