TV პირველის საინფორმაციო სამსახურის უფროსის, ნოდარ მელაძის ინფორმაციით, შინაგან საქმეთა სამინისტროს საექსპერტო კრიმინალისტიკური სამსახურის ხელმძღვანელი დღესაც ის ადამიანია, ვინც 20 წლის წინ, ჟურნალისტ გიორგი სანაიას მკვლელობის საქმე გააყალბა.
ამის შესახებ მელაძემ “მთავარი არხის” ეთერში, გადაცემაში “დღის სტუმარი” ისაუბრა. მან ლექსო ლაშქარავას
გარდაცვალებასთან დაკავშირებით შსს-ს ვერსია შეაფასა, რომელმაც 12 ივლისს შუალედური ექსპერტიზის დასკვნა გაასაჯაროვა.
უწყების მტკიცებით, მაღალი ალბათობით, ლექსო ლაშქარავა ნარკოტიკების ზედოზირებით გარდაიცვალა.
შინაგან საქმეთა სამინისტროს საექსპერტო კრიმინალისტიკური სამსახურის ხელმძღვანელი არის ზუსტად იგივე ადამიანი, ვინც 20 წლის წინ გიორგი სანაიას მკვლელობის საქმე გააყალბა. ამ ადამიანებისგან გამორიცხული არაფერია, ესენი არიან მოძალადე ჯგუფები, რომლებიც ცდილობენ, რომ ყველა საშუალებით დასაჯონ მედია, – თქვა ნოდარ მელაძემ.
კომენტარები