“შიმშილობის 25-ე დღეს უკვე ორგანიზმი იწყებს საკუთარი თავის მონელებას, მოინელებს კუნთოვან და ცხიმოვან სისტემას” – გოჩა გორგოძე

გოჩა გორგოძე, “ავერსის” კლინიკის ანესთეზიისა და ინტენსიური თერაპიის სამსახურის უფროსი, “ტვ პირველთან” ამბობს:

“მნიშვნელოვანია პაციენტის ნება, მაგრამ ასევე ექიმის ვალდებულებაა, რომ პაციენტის მდგომარეობა იყოს დამაკმაყოფილებელი, ჰქონდეს მუდმივი კონტაქტი და საჭიროების შემთხვევაში, მასთან შეთანხმებით, მიიღოს ის ღონისძიებები, რაც საჭიროა. მე არ ვიცი, იურიდიული თვალსაზრისით, რამდენად სამარლიანადაა გასამართლებული ბატონი პრეზიდენტი, მაგრამ პოლიტიკური თვალსაზრისით, მაღალი საზოგადოებრივი ინტერესია.

მნიშვნელოვანია ერთი გარემოება, ციხის საავადმყოფოში, საუბარია ვიღაც რეანიმატოლოგზე, არ ვიცნობთ, არც გვიმხელენ, მგონი, რამხელაა პასუხისმგებლობა ამ რეანიმატოლოგზე, წარმოიდგინეთ.

მოკლედ ვიტყვი, რა ხდება შიმშილობის 25-ე დღეს, მოკლედ ვიტყვი, შიმშილობის გამო, ორგანიზმი იწყებს, საკუთარი თავის მონელებას. ორგანიზმი ცდილობს გადაირჩინოს თავი და მოინელებს კუნთოვან სისტემას, ცხიმოვან სისტემას. ახლა სანამ მივა გამწვავებამდე მდგომარეობა, ძნელია ამწუთას განვიხილოთ ქრონიკულ პათოლოგიად, მაგრამ როდესაც გადაცდება ზღვარს, პროცესები შეიძლება იყოს შეუქცევადი, ფატალური, ამიტომაა საჭირო ინტენსიურ თერაპიაში მასზე დაკვირვება. სწრაფი კი არა, დროულ ჩარევაზეა ახლა საუბარი – რეანიმაციული ღონისძიება შეიძლება იყოს წარუმატებელი და წარუმატებელი რეანიმაციული ღონისძიება მხოლოდ ბიოლოგიურ სიკვდილს არ ნიშნავს, წარუმატებელი რეანიმაციული ღონისძიებით, შეიძლება გადარჩეს ბიოლოგიურად მაგრამ მივიღოთ თავის ტვინის სიკვდილი. რეანიმაციულ ღონისძიებამდე არ უნდა მივიდეს საქმე.”